From Wikipedia, the free encyclopedia
La ceboleta (Allium schoenoprasum L.) es una planta aromatica de la familha de las Amarilidacèas (ancianament Liliacèas o Alliacèas), cultivada per sas fuèlhas sovent utilizadas coma condiment.
Ceboleta
Règne | Plantae |
---|---|
Sosrègne | Tracheobionta |
Division | Magnoliophyta |
Classa | Liliopsida |
Sosclassa | Liliidae |
Òrdre | Liliales |
Familha | Liliaceae |
Genre | Allium |
Òrdre | Asparagales |
---|---|
Familha | Amaryllidaceae |
Sosfamilha | Allioideae |
Fa partit de las plantas que la cultura es recomandada dins los domènis reials per Carlesmanhe dins lo capitulari De Villis (fin del sègle VIII o cemençament del IX).
La multiplicacion es mai sovent facha per division de las matas, a la prima o a la davalada. En cultura comerciala, se la multiplica puslèu per semenada, en linhas escatadas de 20 cm.
Se la culhís tres a cinc meses après la plantacion. Es commercializada, fresca jos forme de botelets, o après una preparacion industriala: surgelacion, liofilizacion o desidratacion.
Es vivaça, e se pòt plantar en pòts, plaçat sul bòrd d'una fenèstra.
Es melhor copar sovent per estimular la sortida de las fuèlha, e de netejar frequentament lo plant de sas fuèlhas mòrtes.
Las fuèlhas frescas son utilizadas, crudas, ciseladas, per aromatizar las cruditats, las ensaladas, e diferentas preparacions culinàrias coma las autras finas èrbas. Cuèchas, tanben dintran dins de plats, salsas, moletas...
Las flors podon èsser avantatjosament utilizadas, per la decoracion d'ensaladas o quitament de plats en salsa; se pòdon tanben conservar dins lo vinagre, coma los cornissons, mas perdon alara lor color.
Tot coma d'autras espècias de la familha de las Amarilidacèas coma l'alh, l'escaluènha o la ceba, la ceboleta se pòt utilizar coma planta repulsiva. Sa preséncia poiriá permetre a unas plantas vesinas d'èsser mens tocadas per unes insèctes.
Sul Catalogue of Life (4 de junh de 2012)[1] :
Segon paramètre « Kew liste » pas reconegut :
Segon NCBI (4 de junh de 2012)[2] :
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.