Caunetas de Lauquet

Caunetas de Lauquet o La Cauneta de Lauquet^[1] (Caunette-sur-Lauquet en francés) es una comuna lengadociana, situada dins lo departament d'Aude e la region d'Occitània, ancianament de Lengadòc-Rosselhon.

Vilatge d'Occitània

Mai d'informacions Descobridor o inventaire, Data de descobèrta ...

Caunetas de Lauquet
Caunette-sur-Lauquet

La Cauneta Nauta (nom supausat)

Armas

Geografia fisica

Coordenadas

43° 01′ 54″ N, 2° 24′ 58″ E

Superfícia

4,97 km²

Altituds
· Maximala
· Mejana
· Minimala

786 m
429 m
400 m

Geografia politica

França

La Region Limosenca (Sant Ilari abans 2015)

Intercom
200071926

CC del Limosenc

Cònsol

Marie-Pierre Gayda
(2020-2026)

Geografia umana

Populacion
Populacion totala
(2018)

6 ab.

6 ab.

Densitat

1,61 ab./km²

Autras informacions

Còde postal

11250

Còde INSEE

11082

Tampar

I a pas de vilatge, just una glèisa e la comuna prèp del caireforc entre la RD 40 e la RD 56, a La Caunette Basse (en francés); la coma es estreta e boscosa. I a tanben La Caunette Haute e l'ensemble explica lo plural del nom de la comuna, Caunetas.

Perimètre del territòri

Comunas confrontantas de **Caunetas de Lauquet**
Sant Ilari sus qualques desenats de mètres	Clarmont
Bèlcastèl e Buc		Lairièra
Vilardebèla		Boissa

Las fòrmas ancianas son Cauna de Lauqueto [Lauqueto : latinizacion], en 1251, Apud Caunem de Loqueto, en 1257, Apud Cannem de Loquetto, en 1257, La Cauneta, en 1537, La Caunette sive Caune de Lauquet, en 1666, Le décimaire de Caunalheuquet, en 1333-1639, La Caunette, en 1781. La prononciacion es Caunétos (grafia de l'abat Sabarthès) ^[2], doncas [kaw'netɔs]. La mapa IGN ^[3] conten la mencion Grotte (= cauna, espelonga, balma) pels puèges al sud de La Caunette-Basse; es aquela cauna, o una autra, que motiva lo nom del lòc. La mapa Cassini ^[4] pòrta La Caunette a La Caunette Basse, aquí ont i a la comuna ara (e la glèisa, probablament pus anciana). Las primièras fòrmas ancianas contenon La Cauna sense diminutiu. Lo diminutiu s'explica probablament per la pichonetat de l'aglomeracion puslèu que per la de la cauna. Lo nom de la comuna es al plural perqué i a dos lòcs nommats Cauneta, lo segond essent La Caunette Haute (en francés). L'article es present dins lo nom de cada Cauneta, mes pas dins lo nom de la comuna, segon l'abat Savartés. Lo determinant de Lauquet se justifica perqué es present tanlèu lo sègle XIII e dins un usatge larg.