From Wikipedia, the free encyclopedia
Lo calendièr chinés es un calendièr basat sus l'observacion de la Luna e dau Soleu qu'utiliza de mes lunars e d'annadas solaras. Lo començament d'un mes correspond au jorn de la Luna novèla e sa mitat au jorn de la Luna plena. Una annada es compausada de dotze mes, d'un desenau de jorns suplementaris e de mes intercalars (7 sus un periòde de 19 ans). L'objectu d'aquelei jorns e mes suplementaris es de gardar la correspondància entre lei movements terrèstre e solar.
Aqueu calendièr foguèt desvolopat dins lo corrent de l'istòrie chinesa mai la màger part de sei principis foguèron establits durant la dinastia Han (206 avC - 220 apC). Son ponch de partença correspond a l'annada de naissença ò de concepcion dau premier emperaire chinés en 2697 avC ò en 2698 avC. Dempuei 1912, es plus lo calendièr oficiau de China mai son usatge es encara fòrça frequent. N'existís de variantas segon lei regions.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.