Cabardés es un país d'Occitània[1] situat en Lengadòc (departament d'Aude).
Sa vila principala es Concas.
Toponimia
Cabardés tira son nom de las tors de Cabaret. Las fòrmas ancianas son : In Cabardense en 870, In fundo Caparitensi en 1115, Carparcense en 1119, In Cabardeso en 1248, In Cabardesio en 1270, Vicaria Cabardesii..., homines de Cabardesio en 1277 [2].
Istòria
Cabardés es una subdivision del Pagus Carcassensis. Res non permet de créser que foguèt un pagus, coma es estat dit, nimai que foguèt unit al Pagus Minarbensis.[2]
Après la crosada dels albigeses, formèt una vigariá, qu'apuèi foguèt unida ambe Menerbés a la vigariá de Carcassona. Çaquelà subsistèt longtemps del punt de vista financièr. Compreniá 34 localitats : Argon, Banhòlas, Brossas, Crabespina, Canacauda, Castanhs, Caudabronda, Concas, Cuccervièrs, Cucçac de Cabardés, Fontiès, Fraisse, La Bastida Esparveirenca, La Bastida Rojapèira, Marmolièras, Le Mas de Cabardés, Miraval de Cabardés, Montoliu, Puègnautièr, Pradèlas Cabardés, Ròcafèra, Sant Danís, Salèlas de Cabardés, La Torreta, Trassanèl, Ventenac de Cabardés, Vilalièr, Vilardonèl, Vilarlong, Vilarzèl de Cabardés, Viladubèrt, Vilagalhenc, Vilaglin e Vilamostausson[2].
A costat de la vigariá, existiguèt tanben la castelaniá de Cabardés, que compreniá los vilatges de Las Tors, Las Ilhas, Fornas, Limosins, Salsinha e Vilanièra. [2].
Per l'administracion civila de la diocèsi de Carcassona, Cabardés formava un quartièr diocesan qu'aviá per caplòc Montoliu e per lòcs principals Concas e Le Mas de Cabardés [2].
Nòtas
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
