Batalha de la Seuva de Tuchola
From Wikipedia, the free encyclopedia
La batalha de la Seuva de Tuchola se debanèt dins lo corrent de la Segonda Guèrra Mondiala dau 1èr au 5 de setembre de 1939. Foguèt la consequéncia d'una ofensiva alemanda (5 divisions) per rompre lei defensas polonesas (2 divisions e un grop operacionau[1]) dau Corredor de Dantzig. Aprofichant sa superioritat materiala, de problemas de comunicacions entre lei diferenteis unitats polonesas e la manca de preparacion de l'armada polonesa qu'èra pas en plaça lo 1èr de setembre, leis Alemands capitèron d'enceuclar la màger part de seis adversaris lo 3 de setembre. Una partida de l'armada polonesa de Pomerània foguèt ansin anientada après dos jorns de combats suplementaris mai lo rèsta capitèt de sortir de la pòcha e se retirèt dins lo sector de Bydgoszcz. Lei pèrdas a l'eissida de la batalha son desconegudas per lei dos camps.