Ataca de Pearl Harbor
From Wikipedia, the free encyclopedia
L’ataca de Pearl Harbor foguèt una ataca aeriana menada lo 7 de decembre de 1941 per l'aeronavala japonesa còntra la basa navala estatsunidenca de Pearl Harbor. Entraïnèt la neutralizacion d'una partida de la flòta estatsunidenca de l'Ocean Pacific durant quauquei setmenas que permetèron ai Japonés d'atacar lei colonias europèas d'Asia dau Sud-Èst. Pasmens, en despiech de son succès immediat, lo bombardament mau capitèt de destrurre lei pòrta-avions estatsunidencs, çò qu'auriá grèvament afeblit leis Aliats sus lo teatre pacific. De mai, causa encara pus importanta, entraïnèt l'intrada en guèrra deis Estats Units e de sa poissança industriala còntra lei país de l'Aisse.