![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5e/Ashur_%2528Qal%2527at_Sherqat%2529-115188.jpg/640px-Ashur_%2528Qal%2527at_Sherqat%2529-115188.jpg&w=640&q=50)
Assiria
From Wikipedia, the free encyclopedia
Assiria es una region istorica dau nòrd de Mesopotamia qu'es centrada sus lei vilas d'Assur e de Niniva. Situada a una importanta crosiera dau nòrd de Mesopotamia, venguèt un centre economic major. Durant plusors periòdes, aquela prosperitat favorizèt l'emergéncia de reiaumes poderós coma lo Reiaume de Mesopotamia Auta e l'Empèri Assirian. A partir dau sègle XIII avC, l'Empèri Assirian venguèt una poissança majora de Mesopotamia. Dominèt l'espaci mesopotamian durant la premiera mitat dau milleni I avC mai de revòutas recurrentas dei pòbles somés menèron a sa destruccion en 609 avC. Pasmens, en causa de sa poissança, Assiria laissèt una traça duradissa dins l'istòria de la region e lei roïnas de sei capitalas pus recentas, Dur-Sharruken e Niniva, son de sites arqueologics fòrça importants.
![Thumb image](http://upload.wikimedia.org/wikipedia/commons/thumb/5/5e/Ashur_%28Qal%27at_Sherqat%29-115188.jpg/640px-Ashur_%28Qal%27at_Sherqat%29-115188.jpg)