Ål i Hallingdal

Ål er ein tettstad og administrasjonssenteret i Ål kommune i Buskerud. Tettstaden ligg midt i Hallingdalen, ved den austlege enden av Strandafjorden, og har 2 580 innbyggjarar per 1. januar 2023.^[1]

For andre tydingar av oppslagsordet, sjå Ål.

Ål
Sundre
tettstad
Ål sett frå Sundreberget
Land	Noreg
Fylke	Buskerud
Kommune	Ål
Areal	3,02 km²
Folketal	2 580  (2023)
Folketettleik	854 / km²
Postnummer	3570 Ål
Innbyggjarnamn	åling
Preposisjon	på Ål
Ål 60.628333333333°N 8.5586111111111°E / 60.628333333333; 8.5586111111111
Wikimedia Commons: Ål (village)

Størstedelen av tettstaden ligg på nordsida av Hallingdalselve, og heiter Sundre. Dei små forstadene rundt er Hago, Vestlia og Granhagen. Riksveg 7 går gjennom Ål på nordsida av elva og på sørsida ligg Ål stasjon, som er stoppestad for Bergensbanen.

Ål er eit handels- og skulesentrum, og har kulturhus, Ål kulturhus med Hallingrosa, ei utstilling av rosemålingskunst, og ei større permanent Rolf Nesch-utstilling. Her er også sjukestove med base for Norsk Luftambulanse.^[2] Avisa Hallingdølen kjem ut på Ål tre dagar i veka.

Sundre var den førande garden i Ål i mange år, og vart sentrum av di både Ål kyrkje, Ål stavkyrkje, og tingstugu vart lagt i dette området. Når lokalkjende hallingar i dag snakkar om Ål sentrum, nyttar dei framleis omgrepet «på Sundre». Folk utanfor dalen brukar gjerne nemninga «på Ål» i same tyding. Sundre er rekna til om lag rett ovanfor Ål kyrkje.

Folkemengd

Folketalsutvikling på Ål
År			Innbyggjarar
1920			385
1930			559
1946			842
1950			920
1960			956
1970			1 345
1980			1 928
1990			2 079
2000			2 226
2009			2 270
2012			2 367
Kjelder: SSB: Norske folketeljingar SSB: Folkemengd i tettstader

Kjelder

1. «Ål». Store norske leksikon. 13. juli 2017. Henta 15. april 2018.
2. «Ål – tettstedet». Store norske leksikon. 14. januar 2016. Henta 7. september 2016.