Zavodovski Island

Zavodovski Island er ei aude vulkansk øy i Traversay Islands i Sør-Sandwichøyane. Ho ligg 350 km søraust for Sør-Georgia. Ho er den nordlegaste av Sør-Sandwichøyane og den som ligg nærast Sør-Georgia.

Zavodovski Island
øy
Land	Storbritannia
Del av	Sør-Sandwichøyane, Traversay Islands
Koordinatar	56°18′S 27°34′W
Høgaste punkt
•  høgd	551 moh.
Areal	14,7 km²
Folketal	0
Øygruppe	Sør-Sandwichøyane
Vulkantype	Stratovulkan
Siste utbrot	2012
Zavodovski Island 56.3°S 27.58°W / -56.3; -27.58
Sør-Sandwichøyane Sør-Sandwichøyane
Zavodovski Island (Antarktis)
Wikimedia Commons: Zavodovski Island

Zavodovski Island vart oppdaga og namngjeven av den russiske oppdagaren Fabian Gottlieb von Bellingshausen på julaftan 1819. Bellingshausen kalla ho opp etter løytnant Ivan Zavodovski, som var kaptein på skipet «Vostok».^[1]

Geografi

Flyfoto av Zavodovski Island.

Øya er kring 5 km lang og det høgaste punktet er 551 meter over havet. Stratovulkanen Mount Asphyxia dominerer vestsida av øya, medan austhalvdelen er ei lågtliggande lavaslette. Det vart oppdaga fersk lava frå Mount Asphyxia og fleire indikasjonar syner at han har vore aktiv sidan den gong. Kring 50 % av øya består av tefra. Eit vulkanutbrot vart oppdaga på øya 2. mai 2012, men storleiken av utbrotet er ikkje kjend.^[2]

Det finst kring ein million par hekkande ringpingvinar på øya, noko som er ein av dei største pingvinkoloniane i verda.

Sjå òg

• Antarktiske og subantarktiske øyar