«We Don't Need Another Hero (Thunderdome)» er ein song frå 1985 av Tina Turner. Han vart nytta i filmen Mad Max Beyond Thunderdome same året, der Turner spelte i lag med Mel Gibson. Songen var skriven av Terry Britten og Graham Lyle.
| We Don't Need Another Hero (Thunderdome) Singel av Tina Turner frå albumet Mad Max Beyond Thunderdome | ||
| Språk | engelsk | |
| Utgjeve | 8. juli 1985UK | |
| Innspelt | Januar 1985 | |
| Sjanger | ||
| Lengd | 6:05 | |
| Selskap | Capitol | |
| Komponist | Graham Lyle, Terry Britten | |
| Tekstforfattar | Graham Lyle, Terry Britten | |
| Låtskrivar(ar) | Terry Britten Graham Lyle | |
|---|---|---|
| Produsent | Terry Britten | |
| Tina Turner-kronologi | ||
| «Show Some Respect» (1985) |
We Don't Need Another Hero (Thunderdome) | «One of the Living» (1985)
|
«We Don't Need Another Hero (Thunderdome)» vart gjeven ut like etter det storseljande albumet til Turner, Private Dancer. Songen vart gjeven ut på singel og ein lengre versjon kom ut på ein 12" singel og på det tilhøyrande filmmusikkalbumet. I Storbritannia vart det òg gjeve ut ein forma biletdisk.
I 1986 vart songen nominert til ein Golden Globe for beste originale song, og ein Grammy for beste popsong. Som låtskrivar vann Lyle og Britten Ivor Novello-prisen for beste song i 1985 med denne songen.[1]
I musikkvideoen ser ein Turner kledd i kostymet sitt frå filmen, ein tung ringbrynjekjole. Medan fleire spotlight lyser på ho, syng ho songen på toppen av ei plattform innimellom klipp frå filmen. I siste delen av videoen ser ein òg saksofonisten, perkusjonisten og klaverspelaren til Turner, Timmy Capello og eit barnekor. Musikkvideoen vart nominert til MTV Video Music Award for beste kvinnelege video.
Turner vart akkompagnert av eit kor frå King's House School i Richmond i London. Eit av kormedlemmane var Lawrence Dallaglio, som sidan vart ei stor rugby union-stjerne og kaptein på det engelske landslaget.
- 7" edit – 4:16
- 7" instrumental – 4:41
- 12" Extended Mix (Soundtrack album version) – 6:07
- 12" Dub Mix (Soundtrack instrumental version) – 6:30
«We Don't Need Another Hero (Thunderdome)» vart ein av dei største hitsinglane til Turner verda over. Singelen nådde andreplassen på singellista i USA Billboard Hot 100, berre bak «St. Elmo's Fire (Man in Motion)» av John Parr, og tredjeplassen i Storbritannia. Han gjekk heilt til topps i Canada, Australia, Tyskland, Spania og Sveits.
Vekeslister
|
Årslister
Salstrofé
| |||||||||||||||||||||||||||||||||||||||||||||||||||||||||||||||||||||||||||||||||||||||||||||
The Shadows spelte ein instrumentalversjon av songen i 1987 på Simply Shadows.
Den uruguayansk musikaren, komikaren og forfattaren Leo Maslíah spelte inn ein parodiversjon kalla «No necesitamos otro héroe (Balderrama)» i 1988 for albumet I lique rock. I denne versjonen spelte han originalmelodien, men erstatta songen med ein heilt anna tekst.
Shirley Bassey spelte songen i 1995 på albumet Sings the Movies.
I 1998 spelte den kroatiske gruppa Vatrogasci ein versjon av songen i sigøyner-stil, og omsette songen til kroatisk, kalla «Daj još jednu».
Den svenske songaren Regina Lund spelte ein neddempa versjon av songen på albumet Year Zero i 2000.
Jane Child spelte ein versjon av denne songen i 2004, kalla «Beyond Thunderdome (We Don't Need Another Hero)».
Ein versjon av songen vart spelt inn i 2007 av det finske heavy metal-bandet Northern Kings frå debutalbumet Reborn.
«Weird Al» Yankovic parodiserte songen som «We Won't Eat Another Hero» (Hero er namnet på ein sandwich). Han har framført songen på konsertar, men har aldri blitt gjeve ut på album.[38][39]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
