Vita Pavlysj, fullt namn Viktorija Anatolivna Pavlysj, (fødd 15. januar 1969) er ein ukrainsk tidlegare kulestøytar frå Kharkiv. Ho vart europameister i øvinga i 1994 og 1998. Etter å ha vorte dopingdømd for andre gong i 2004 vart Pavlysj nekta å delta i friidrett for all framtid.
| Vita Pavlysj | |
| Statsborgarskap | Ukraina |
| Fødd | 15. januar 1969 (55 år) Kharkiv |
| Idrett | friidrett |
| Tok del i | Sommar-OL 1996, Sommar-OL 1992 |
Pavlysj gjekk heilt til topps i EM 1994, 12 cm framom tyske Astrid Kumbernuss. Tre år seinare var rollene omsnudd under VM 1997 i Athen. Kumbernuss støytte fem cm lengre enn Pavlysj i deira respektive bestestøyt, dei to var elles i ei klasse for seg. Ved friidretts-EM 1998 i Budapest den 20. august 1998 var Pavlysj fullstendig suveren, med sitt livs lengste støyt på 21,69 meter hadde ho ein sigersmargin på nesten to meter til sølvvinnaren.
Både i 2001 og 2003 tok Pavlysj bronsen i kulestøyt i friidretts-VM. I det mellomliggjande 2002 sikra ho seg sølvmedaljen i europameisterskapen.
Doping
I 1999 mista Pavlysj gullmedaljen ho fekk tildelt i innandørs-VM, etter å ha testa positivt på det forbodne stoffet stanozolol. Ho vart samstundes nekta starte i friidrettstevlingar dei neste to åra. Nær fem år etter ho vart dopingdømd, vann ho kuleøvinga også i Innandørs-VM 2004, men vart atter ein gong hekta for bruk av dopingmiddel. Ho vart då stengd ute frå friidrett på livstid.
Medaljar og plasseringar i internasjonale meisterskap
- EM 1994 i Helsinki: Gullmedalje – 19,61 m, framom Astrid Kumbernuss (19,43 m)
- VM 1995 i Göteborg: Nr 11 – 17,97 m
- OL 1996 i Atlanta: Nr 4 – 19,30 m
- VM 1997 i Aten: Sølvmedalje – 20,66 m, bak Kumbernuss (20,71 m)
- EM 1998 i Budapest: Gullmedalje – 21,69 m, framom Irina Korzjanenko (19,69 m)
- VM 2001 i Edmonton: Bronsemedalje – 19,41 m
- EM 2002 i München: Sølvmedalje – 20,02 m, bak Korzjanenko (20,64 m)
- VM 2003 i Paris: Bronsemedalje – 20,08 m, bak Nadzeja Ostaptsjuk (20,12 m)
- Denne artikkelen bygger på «Vita Pavlysh» frå Wikipedia på engelsk, den 25. juni 2017.
- «Vita Pavlysh» (på engelsk). Olympedia. Henta 7. april 2023.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
