britisk songar og skodespelar From Wikipedia, the free encyclopedia
Vera Margaret Lynn (20. mars 1917–18. juni 2020) var ein britisk songar, låtskrivar og skodespelar. Ho var særskild populær på 1930- og 1940-talet. Under andre verdsrkigen turnerte ho blant militære i Egypt, India og Burma, og fekk kallenamnet «the Forces' Sweetheart».
Vera Lynn | |||
| |||
Fødd | 20. mars 1917 | ||
---|---|---|---|
Fødestad | East Ham | ||
Død | 18. juni 2020 (103 år)[1] | ||
Dødsstad | Ditchling | ||
Fødenamn | Vera Margaret Welch | ||
Opphav | Storbritannia | ||
Aktiv | 1935–1995 | ||
Sjanger | populærmusikk | ||
Instrument | vokal | ||
Plateselskap | EMI, His Master's Voice, Decca Records, London Records | ||
Verka som | filmskodespelar, songar, songar-låtskrivar, sjølvbiograf, plateartist, skodespelar, songtekstforfattar | ||
Prisar | kommandør av Order of the British Empire, War Medal, Burma Star, Officer of the Order of Saint John, Companion of Honour, kommandør av Oranje-Nassau-ordenen, Classic Brit Awards |
Ho er kjend for framføringa av songar som «We'll Meet Again», «The White Cliffs of Dover», «A Nightingale Sang in Berkeley Square» og «There'll Always Be an England». Ho blei verande populær også etter krigen, med mange opptredenar på radio og fjernsyn i Storbritannia og USA. Ho spelte inn hittar som «Auf Wiederseh'n Sweetheart» og «My Son, My Son». Den siste singelen hennar, «I Love This Land», blei gjeven ut for å markera slutten av Falklandskrigen. I 2009, då ho var 92, blei Lynn den eldste levande artisten til å nå toppen av albumlista i Storbritannia, med We'll Meet Again: The Very Best of Vera Lynn.[2] I 2017, året då ho fylte hundre år, gav ho ut albumet Vera Lynn 100. Det nådde tredjeplassen på albumlista, og gjorde henne til den første hundreåringen til å ha eit album på topplista.
Lynn brukte også mykje tid og energi på veldedig arbeid knytt til tidlegare soldatar, barn med funksjonshemmingar og brystkreft. Ho blei utnemnd til Dame Vera Lynn (DBE) i 1976. I 2000 blei ho kåra til den briten som var det beste dømet på ånda frå 1900-talet i ei britisk meiningsmåling.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.