Varg Vikernes

Louis Cachet, best kjend som Varg Vikernes (fødd Kristian Vikernes, 11. februar 1973), tidlegare kjend under artistnamnet Count Grishnack, er ein musikar som gjorde seg kjend innan svartmetallen tidleg på 1990-talet, og for å ha blitt dømd for drap og tre kirkebrannar.^[1][2]

Varg Vikernes
Statsborgarskap	Noreg
Fødd	11. februar 1973 (52 år) Bergen
Yrke	songar, komponist, bloggar, trommeslagar, skribent, gitarist, youtubar, spillutvikler, TV-produsent
Språk	norsk, engelsk
Medlem av	Old Funeral, Burzum, Mayhem
Religion	Odinisme
Ektefelle	Marie Cachet
Nettstad	http://www.burzum.org
Varg Vikernes på Commons

Vikernes er òg mannen bak einmannsprosjektet Burzum, i tillegg til at han var bassist i Mayhem og gitarist i Old Funeral (med medlemmar som seinare stifta Immortal). Seinare vart han òg kjend som uttalt nasjonalsosialist med trekk til norrøn mytologi og ideologi. Han er kjend i media under kallenamnet «Greven».

Vikernes vart fødd i Bergen. Vikernes vart dømd til ein dom på 21 år for drap på Øystein Aarseth og brannstifting. Han slapp ut i 2009 etter nærare 16 års soning.^[1] Han har i dag teke namnet Louis Cachet og flytte i 2012 til Frankrike saman med kona Marie Cachet og dei tre borna deira. Han har òg ei vaksen dotter frå eit tidlegare forhold.

16. juli 2013 vart Vikernes og Cachet arrestert på garden sin i Corrèze i Frankrike, mistenkt for å ha planlagt terrorhandlingar.^[1] I 2014 vart Vikernes dømd til seks måneder betinga fengsel og ei bot på 8000 euro i straffedomstolen i Paris mellom anna for å ha oppfordra til rasehat via Internett.^[3]