Vänern

Vänern er den største innsjøen i Sverige med eit areal på 5 650 kvadratkilometer og eit volum på 153 km³. I Europa er det han tredje største innsjøen etter Ladoga og Onega, og den 29. største i verda. Vänern ligg mellom landskapa Västergötland, Dalsland og Värmland.

Vänern
innsjø
frå Hjortens Udde
Land	Sverige
Tilsig	Klarälven
Utløp	Göta älv
Høgd over havet	44 moh.
Areal	5 650 km²
Middeldjupn	27 m
Største djupn	106 m
Volum	153 km³
Koordinatar	58°55′N 13°30′E
Øyar	Brommö, Djurö, Fågelö, Hammarö, Kållandsö, Lurö
Vänern 58.916666666667°N 13.5°E / 58.916666666667; 13.5
Kart over innsjøen og området rundt Kart over innsjøen og området rundt
Wikimedia Commons: Vänern

Han ligg 44 meter over havet. Vänern er 106 meter på det djupaste medan gjennomsnittsdjupna er 27 meter. Innsjøen vert delt inn i to basseng: Värmlandssjön og Dalbosjön. Vatnet strøymer ut i Kattegat gjennom Göta älv. Vänern vert fylt på av fleire elvar: i nord av Klarälven, som heiter Trysilelva på norsk side og frå sør av vassdraga Tidan og Lidan.

Bakgrunnen til namnet Vänern er ikkje heilt klar. I kjelder frå 1100-talet vart innsjøen kalla Vænir, noko som anten svarer til det von, noko ein voner skal skje, eller til ordet ven, vakker.

Følgjande byar ligg langs Vänern: Vänersborg, Lidköping, Mariestad, Kristinehamn, Karlstad, Säffle og Åmål.

Vänern er ein del av Göta kanal og er knytt med Nordsjøen/Skagerrak ved Göteborg gjennom Göta älv på den sørvestlege sida, og med innsjøen Vättern ved Karlsborg via Göta kanal.

Lurö skjergard, som ligg sør for Värmlandsnäs, er den største ferskvass-skjergarden i Europa.

Vänern er særs fiskerik, med 35 ulike fiskeartar, og eigen laksestamme.

Byar kring Vänern

• Karlstad
• Kristinehamn
• Lidköping
• Vänersborg
• Åmål