Underhaug Fabrikk A/S var eit føretak på Nærbø på Jæren, som produserte landbruksreiskap.
Underhaug Fabrikk A/S vart stifta av Fredrik A. Underhaug, i 1907. Underhaug produserte mellom anna plogar, men er mest kjent for stubbebrytarane sine og for steinklypa. I etterkrigstida gjekk Underhaug meir og meir over til å produsera radreinskarutstyr og potetmaskinar, etterkvart både setjarar og haustarar. Frå seint på 1970-talet produserte Underhaug store mengder avlessarvogner. På 1980-talet vart Underhaug kjend for rundballepakkarane sine.
I 1986 fusjonerte Underhaug Fabrikk A/S med Kverneland Group, og drifta på Nærbø heldt fram under namnet Kverneland Nærbø AS. I 2001 stifta Kverneland Group, saman med det nederlandske selskapet Agrimac Holding, eit nytt selskap i Nederland, Dunor Potato Group B.V., som produserte maskinar for potetdyrking. Dei tidlegare potetmaskinene frå Underhaug var mellom desse produkta, og Dunor heldt fram med å nytta merkenamnet Underhaug på desse.
I 2004 vart Kverneland Nærbø nedlagt og produksjonen av ballepakkarar flytta til Kverneland Gottmadingen i Tyskland. TKS AS kjøpte den gamle Underhaug-fabrikken frå Kverneland Group og etablerte dette som eit dotterselskap, under namnet TKS Mekansiske AS. I 2006 kjøpte TKS Mekaniske rettigheitene til potetmaskinane og flytta produksjonen attende til Nærbø.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
