Nærbø

Nærbø er ein tettstad i Hå kommune på Jæren, og eit namn som vert nytta som etternamn. Jarnbanen Jærbanen har stasjon på Nærbø. Politikken i Hå kommune er særkjenna av ulike bygdelister, for å ta vare på bygdene sine interesser etter kommunesamanslåinga i 1964. Frå 2003 fekk Nærbølista ordførarvervet i Hå kommune.

Nærbø
stad
Land	Noreg
Fylke	Rogaland
Kommune	Hå
Areal	3,14 km²
Folketal	7 632  (2024)
Folketettleik	2 431 / km²
Postnummer	4365 NÆRBØ
Preposisjon	på Nærbø
Ferdselsårer	Fv160 Jærbanen
Nærbø 58.66666667°N 5.65°E / 58.66666667; 5.65
Wikimedia Commons: Nærbø

Jærmuseet ligg ved Nærbø, og legg vekt på historia til jordbruket på Jæren. På Nærbø er det mykje verksemd og industri knytt til jordbruket.

Nærbø kommune 1894-1964

Nærbø er namn på ein tidlegare norsk kommune i Rogaland fylke. Frå 1837 var Nærbø del av Hå formannskapsdistrikt. Hå vart i 1894 delt i Nærbø og Varhaug kommunar. Nærbø hadde då kommunen vart etablert som sjølvstendig kommune 1 806 innbyggjarar. 1. januar 1964 vart Nærbø kommune slegen saman med Ogna og Varhaug kommunar til den nye Hå kommune. Nærbø hadde ved samanslåinga 3 926 innbyggjarar.