Ullsfjord

Ullsfjord er ein kyrkjestad og tidlegare kommune i Troms, som no er del av Tromsø kommune. Staden ligg på vestsida av Sørfjorden. I Ullsfjord ligg Ullsfjord kyrkje.

Ullsfjord
stad
Ullsfjord kyrkje Foto: Kjetil Ree
Land	Noreg
Fylke	Troms
Kommune	Tromsø
Postnummer	9030 SJURSNES
Innbyggjarnamn	ullsfjording
Ullsfjord kommune 69.5325°N 19.6408°E / 69.5325; 19.6408

Ullsfjord kommune 1902-1964

Ullsfjord var del av Lyngen formannskapsdistrikt frå 1837. 1. januar 1902 blei Ullsfjord skilt ut som eigen kommune med 1139 innbyggjarar, under namnet «Sørfjord».

1. januar 1964 blei det meste av Ullsfjord, med 2019 innbyggjarar, slått saman med Tromsø og Tromsøysund kommunar saman med delar av Hillesøy, til den nye Tromsø kommune. Svensbyområdet, på austsida av Ullsfjorden, med 171 innbyggjarar, blei, saman med fastlandsområdet i Karlsøy, innlemma i Lyngen kommune.

Ullsfjordområdet har hatt kraftig nedgang i folketalet dei siste åra. Bygdene som blei overførte til Tromsø kommune i 1964, hadde til saman 860 innbyggjarar den 1. januar 2006.^[1]

Folketalsutvikling

Folketalsutvikling for tidlegare Ullsfjord kommune frå 1910 til 1964:

1910[2]	1.12.1920[3]	1.12.1930[4]	3.12.1946[4]	1.1.1951[5]	1.1.1961[5]	1.1.1964[6]
1229	1327	1523	1983	2085	2213	2190

Kjelder

Fotnotar

1. Statistikkbanken
2. "Hjemmehørende folkemengde Troms 1801-1960 Arkivert 2011-05-25 ved Wayback Machine. frå Registreringssentral for historiske data, vitja 22. september 2010
3. Statistisk årbok for kongeriket Norge 40de årgang, 1920 (Det statistiske centralbyrå, 1921)
4. Statistisk årbok for Norge 69. årgang, 1950 (Statistisk sentralbyrå, 1950)
5. Folkemengd i Ullsfjord 1. januar kvart år frå 1951, frå Statistisk sentralbyrå
6. Dag Juvkam, Historisk oversikt over endringer i kommune- og fylkesinndelingen (SSB, 1999)