Ugarittisk

Ugarittisk er eit utdøytt språk som høyrer til dei semittiske språka. Språket er kjent frå tekster som er funne i oldtidas Ugarit. Ugarittisk vart skrive med ugarittisk skrift.

Ugarittisk
Klassifisering:	afroasiatisk  semittisk   Sentralsemittisk    Nordvestsemittisk
Bruk
Utdøydd:	1100-talet f.Kr.
Språkkodar
ISO 639-2:	uga

Ugarittisk er eit nordvestleg semittisk språk, oppdaga av franske arkeologar i 1928, og er berre kjend i form av dei skriftene som er funne i oldtidsbyen Ugarit som låg på det som i dag er Ras Shamra i Syria.^[1] Desse tekstene har vorte nytta av forskarar av Det gamle testamentet for å klargjera bibelske hebraiske tekstar og har avsløra korleis den israelittiske kulturen hadde parallellar i den samtidige nabokulturen. Ugarittisk har vorte karakterisert som «den største litterære oppdaginga frå oldtida sidan tydninga av egyptiske hieroglyfar og mesopotamisk kileskrift.»^[2]

Leirtavle med tekst frå Baal-syklusen. Louvre.

Tekstmateriale

Ugarittisk har vorte dokumentert i tekster frå 1300- og til 1100-talet f.Kr.^[3] Byen Ugarit vart øydelagd ein gong mellom 1180 og 1170 f.Kr.

Dei litterære tekstene som vart oppdaga i Ugarit er blant anna Legenda om Keret, Aqhateposet (eller Legenda om Danil), Myten om Baal-Aliyan, og Baals død — dei to sistnemnde er òg kollektivt kjent som Baal-syklusen — alle avslørar aspekt av ein kanaanittisk religion.