Tresfjord

Tresfjord er ei bygd i Vestnes kommune i Møre og Romsdal. Tresfjord var tidlegare og ein kommune. Bygdesenteret ligg på Sylte. Bygda er eit kjent turmål, og fjellet Lauparen (1434 moh.) trekkjer til seg fotturistar frå heile landsdelen.

For fjorden med same namn, sjå Tresfjorden.

Tresfjord
stad
Utsikt frå Lauparen, Tresfjorden og Tresfjord til venstre. Foto: per
Land	Noreg
Fylke	Møre og Romsdal
Kommune	Vestnes
Postnummer	6391 Tresfjord
Tresfjord 62.520556°N 7.123056°E / 62.520556; 7.123056
Wikimedia Commons: Tresfjord (village)

Tresfjord kommune

Kommunen var opphavleg (frå 1837) del av Vestnes formannskapsdistrikt. Han vart skilt ut som eiga eining med namnet Sylte kommune (uttale: Silté) frå 1. januar 1899. Han hadde då 1 408 innbyggjarar. 28. april 1922 vart kommunenamnet ved Kongeleg resolusjon endra frå Sylte til Tresfjord. 1. januar 1964 vart Tresfjord kommune slått saman med Vestnes kommune til den nye Vestnes kommune. Tresfjord hadde ved samanslåinga 1 319 innbyggjarar.

Folketalsutvikling

Folketalsutvikling for tidlegare Sylte/Tresfjord kommune frå 1899 til 1964:

1.1.1899[1]	1910[2]	1.12.1920[3]	1.12.1930[4]	3.12.1946[4]	1.1.1951[5]	1.1.1961[5]	1.1.1964[1]
1408	1282	1252	1171	1270	1317	1335	1319

Samfunn

I Tresfjord finst ein liten karateklubb som har vist gode resultat nasjonalt. Spesielt Geir Magne Brastad har utmerkt seg med medaljar i så vel EM som US Open.

Tine meierier produserer ridderost ved meieriet i Tresfjord ^[6].

Konrad Nerheim var frå Tresfjord.

Sjå òg

Bygda Tresfjord gjekk tidlegare inn under SSB sin definisjon av tettstad.

• Tettstader i Møre og Romsdal

Kjelder

1. Dag Juvkam, Historisk oversikt over endringer i kommune- og fylkesinndelingen (SSB, 1999)
2. "Hjemmehørende folkemengde Møre og Romsdal 1801-1960 Arkivert 2007-02-23 ved Wayback Machine. frå Registreringssentral for historiske data, vitja 1. september 2010
3. Statistisk årbok for kongeriket Norge 40de årgang, 1920 (Det statistiske centralbyrå, 1921)
4. Statistisk årbok for Norge 69. årgang, 1950 (Statistisk sentralbyrå, 1950)
5. Folkemengd i Tresfjord 1. januar kvart år frå 1951, frå Statistisk sentralbyrå
6. Romsdals Budstikke: «Lys framtid for Ridderosten».^{[daud lenkje]}

• Denne artikkelen bygger på «Tresfjord» frå Wikipedia på bokmål, den 21. februar 2008.
• SSB: «Tettsteder og sentrumssoner. 1. januar 2005. Møre og Romsdal»

Bakgrunnsstoff

• Tresfjord
• Historiske arkiv etter Vestnes kommune og Tresfjord kommune på Arkivportalen