Tara i Montenegro

Tara (serbisk Ријека Тара, Rijeka Tara) er ei elv i Montenegro. Elva vert danna der elvane Ospanica og Veruša renn saman i Dei dinariske Alpane og renn 144 km nordover og renn i saman med Piva ved grensa til Bosnia-Hercegovina. Desse elvane dannar igjen Drina.

Đurđevića Tara-brua over Tara.

Tara
elv
Tarakløfta
Land	Montenegro
Lengd	144 km
Kjelde	Der elvane Ospanica og Veruša renn saman
Munning	Drina
Tara i Montenegro 42.594444444444°N 19.575°E / 42.594444444444; 19.575
Wikimedia Commons: Tara River

Tara har grave ut Tarakløfta, den djupaste kløfta i Montenegro og Europa med ei lengd på 78 km og eit djup på 1 300 meter på det meste. Kløfta er verna som ein verdsarvstad av UNESCO og er ein del av Durmitor nasjonalpark.

Dei bosniske og montenegrinske styresmaktene hadde planar om å byggje ei demning i Tarakløfta i samband med eit vasskraftverk i Drina, men planane vart skrinlagd i april 2005 etter sterke protestar. I september 2006 vart det derimot signert ein avtale mellom det slovenske selskapet Petrol og det montenegrinske selskapet Montenegro-bonus om å byggje eit anna vasskraftverk, trass i alle forsøka på å verne kløfta.

Tara må ikkje forvekslast med fjellet Tara og Tara nasjonalpark sør i Serbia.

Tara er ei populær elv for rafting, særleg i området gjennom Tarakløfta.

Kjelder

• Denne artikkelen bygger på «Tara River (Montenegro)» frå Wikipedia på engelsk, den 6. februar 2008.