From Wikipedia, the free encyclopedia
Tadmur (arabisk تدمر; òg skrive Tadmor, Tudmur; i antikken Palmyra) er ein by sentralt i Syria i Homs guvernement. Han ligg i ein oase midt i Den syriske ørkenen 215 km nordaust for Damaskus[2] og 180 km sørvest for Eufrat. Dei gamle ruinane av Palmyra ligg kring 500 meter sørvest for Tadmur.[3] Sjølv om han er relativt isolert er stader i nærleiken Arak i aust, al-Sukhnah lenger nordaust, Tiyas i vest og al-Qaryatayn i sørvest. I følgje Syrisk statistisk sentralbyrå (CBS), hadde Tadmur eit folketal på 51 323 i 2004.[1] Innbyggjarane vart registrert som sunnimuslimar i 1838.[4]
| Tadmur | |||
| تدمر | |||
| by | |||
 Den moderne byen Tadmur | |||
| Land |  Syria | ||
|---|---|---|---|
| Guvernement | Homs | ||
| Distrikt | Tadmur | ||
| Nahiyah | Tadmur | ||
| Høgd | 405 moh. | ||
| Koordinatar | 34°33′36″N 38°16′2″E | ||
| Folketal | 51 323 (2004)[1] | ||
| Tidssone | EET (UTC+2) | ||
| Retningsnummer | 31 | ||
 Tadmur 34.56°N 38.267222222222°E | |||
  Kart som viser Tadmur.
| |||
| Wikimedia Commons: Tadmur | |||
Tadmur er den moderne busetnaden som ligg ved den antikke byen Palmyra, og utvikla seg like nord for dei gamle ruinane.[5] Den moderne byen er bygd etter eit rutemønster. Quwatligata er hovudgata og går frå aust til vest, og startar ved Saahat al-Ra'is-plassen vest i byen.[3] Byen er i dag base for turistar som vitjar ruinane.[5] Han har eit museum sørvest i byen.[3] Syria held ein årleg kulturfestival i Tadmur for å feire den antikke arva.[6] Palmyra lufthamn ligg ved Tadmur.
Tadmur er òg eit senter for fosfatutvinning og naturgassindustrien i Syria.[5] Den første fosfatgruva driven av staten vart grunnlagd nær Tadmur og produksjonen starta i 1971.[7] Arbeidet med å knyte fosfatgruvene i Tadmur til hamna i Tartus byrja i 1978.[8] I 1986 oppdaga landmålarar frå 1986 store jernmalmførekomstar i nærleiken av Tadmur.[9]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
