Sykkylven
From Wikipedia, the free encyclopedia
From Wikipedia, the free encyclopedia
Sykkylven er ein tettstad og administrasjonssenteret i Sykkylven kommune i Møre og Romsdal. Tettstaden ligg ytst på austsida av Sykkylvsfjorden og har 4 413 innbyggjarar per 1. januar 2023.[1] Den sentrale delen av tettstaden er kalla Aure og ligg ved Aureelva, som renn ut i fjorden frå Andestadvatnet i aust. Gardsnamnet Aure kjem av «aurr» i tydinga 'grus'. Like ved Aureelva ligg tre lokale skular: barneskule, ungdomsskule og Sykkylven vidaregåande skule.
| Sykkylven | |||
| Aure | |||
| tettstad | |||
 Aure til venstre for Sykkylvsbrua på andre sida av fjorden, Ikornnes på motsett side | |||
| Land | Noreg | ||
|---|---|---|---|
| Fylke | Møre og Romsdal | ||
| Kommune | Sykkylven | ||
| Areal | 3,55 km² | ||
| Folketal | 4 413 (2023) | ||
| Folketettleik | 1 243 / km² | ||
| Postnummer | 6230 SYKKYLVEN | ||
| Innbyggjarnamn | sykkylving | ||
 Sykkylven 62.3925°N 6.583333°E | |||
Sykkylven er eit senter for handel og tenesteverksemd. Staden har også industri, der særleg møbelindustrien har stått sterkt. Mellom anna har møbelprodusenten Brunstad hovudkontor og Hjellegjerde ein fabrikk i Sykkylven.
I Sykkylven sentrum (Aure) er funne buplassar med fleire større hus frå jern- og bronsealderen. Arkeologiske utgravingar på Auremarka viser busetnadsspor som går tilbake til 800 år før vår tidsrekning.[2] I tettstaden ligg også Sykkylven Naturhistoriske Museum med oppbygd naturlandskap for fuglar og dyr. Sykkylven kyrkje er ei arbeidskyrkje i betong som vart oppført i 1990. Norsk Møbelfaglig senter, som utgjer ein del av Stiftelsen Sunnmøre museum, ligg i Aure. Avisa Sykkylvsbladet kjem ut i Sykkylven to dagar i veka.[1]
Sykkylven har vegsamband med Ålesund via ferje over Storfjorden, som del av fylkesveg 60 og E39. Fylkesveg 60 held fram sørover via Stranda til E39 i Hornindal i Nordfjord.[3]
.jpg)
Seamless Wikipedia browsing. On steroids.