From Wikipedia, the free encyclopedia
Sven Elvestad (7. september 1884–18. desember 1934) var ein norsk journalist og forfattar, kjend for ei rekkje krim- og spaningsromanar.
Sven Elvestad | |
![]() | |
Pseudonym | Kristian F. Biller, Stein Riverton |
Statsborgarskap | Noreg |
Fødd | 7. september 1884 Halden kommune |
Død |
18. desember 1934 (50 år) |
Yrke | journalist, omsetjar, skribent, manusforfattar, romanforfattar |
Sven Elvestad på Commons |
I alt 98 romanar er signert Sven Elvestad, som brukte pseudonyma Kristian F. Biller, Knut Gribb, Asbjørn Krag og Stein Riverton. Det siste namnet er også opphavet til den norske kriminallitterære laget Rivertonklubben.
Elvestad var fødd Banken i Halden og var son til styrmannen Karl Edvin Sørensen og Adolfine Helene (fødd Elvestad), som fekk to søner og to døtrer. I kyrkjeboka står det at Sven vart fødd 6. september, døypt Kristoffer Elvestad og konfirmert som Kristoffer Elvestad Svendsen. Då faren og eldstebroren til Sven omkom på sjøen i 1896, måtte Sven ut for å arbeide.
Det var som journalist i hovudstadsavisa Ørebladet at Sven Elvestad lanserte meisterdetektiven Asbjørn Krag. Føljetongar kom mot slutten av kvart kvartal sidan avisa trong noko ekstra - noko som kunne få lesarane til å fornye abonnementet.
I 1908 kom serien Lys og Skygge med Et mennesketyveri der Knut Gribb har hovudrolla som meisterdetektiv. Sven Elvestad gjekk lei etter 28 forteljingar, men fortsette med pseudonymet Asbjørn Krag.
Sven Elvestad var eit stort, produktivt skrivetalent. Han levde einsamt, selskapeleg frå ein restaurant til den andre, utan rotfeste i nokon eigen heim; var homofil, men held det løynd for dei fleste. Mot slutten av livet var helsa svært dårleg og han var kraftig alkoholisert.
Sven Elvestad vart funnen død på eit rom på Høyers hotell i Skien 18. desember 1934, berre 50 år gamal.
Bøkene til Elvestad er omsette til 11 språk. I Noreg kom bøkene hans ut i eit opplag på over ein million eksemplar, og i Sverige kom Jernvognen åleine ut i heile 200 000 eksemplar. Han fekk utgjeve 85 av bøkene sine i Tyskland.
NRK laga radioteater av fleire av krimhistoriene til Sven Elvestad, mest kjend er kanskje Jernvognen.
I Sven Elvestads fødeby Halden vart han æra med ein statue og eigen plass sentralt i kulturkvartalet i byen. Statuen av Sven Elvestad, som Nils Aas laga, vart avduka 31. oktober 1999.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.