Stathelle

Stathelle er ein av to byar i Bamble kommune i Telemark. Byen ligg på nordenden av Langesundshalvøya, der Langesundsfjorden, Frierfjorden og Eidangerfjorden møtest. Byen var tidlegare ein ladestad under Skien, og eigen kommune til 1964 då han vart ein del av Bamble kommune. Via Breviksbrua (gamle E 18, no Fv 353) og Grenlandsbrua (nye E18) har Stathelle vegsamband øver Breviksstrømmen med Porsgrunn kommune. Frå år 2000 er både Stathelle og Langesund, den andre byen i kommunen, innrekna i den samanvaksne tettstaden Porsgrunn/Skien.

Strandgata i gamle Stathelle

Stathelle kyrkje frå 1964

Stathelle til venstre og Brevik til høgre

Stathelle
stad
Stathelle frå Breviksbrua
Land	Noreg
Fylke	Telemark
Kommune	Bamble
Postnummer	3960 STATHELLE
Ferdselsårer	352 353 353
Stathelle 59.045277777778°N 9.6969444444444°E / 59.045277777778; 9.6969444444444
Wikimedia Commons: Stathelle

«Gamle Stathelle» er eit pittoresk område med tronge gater. Kommersiell sørvis er i dag samla ved «Brotorvet kjøpesenter» ved Breviksbruas søre feste, straks vest for det gamle byområdet. På Rugtvedt på vestsida av Høgenheifjellet er det eit steinaldermonument.

Offentlege institusjonar

På Grasmyr i søre Stathelle finn ein Bamble videregående skole og Grasmyr ungdomsskole, og på Gjermundsholmen like ved gamle bydelen held Croftholmen videregående skole for yrkesfag til. Bamble kommunes bibliotek ligg på Krabberødstrand like vest for Breviksbrua.

Historie

Stathelle fekk i 1774 rettar som ladestad under Skien. Ti år seinare skreiv B. H. Løvenskiold at her budde to kjøpmenn, ein tollbetjent og to roarar. Grensene til ladestaden var snevre, og allereie på slutten av 1800-talet var det etablert forstader i vest (Krabberødstrand) og sør (Eikstrand-Eikrønningen) som til saman var om lag like folkerike som sjølve bykommunen.

Stathelle var eigen kommune fram til 1964 då han blei ein del av Bamble.

Folketalsutvikling på Stathelle
År			Innbyggjarar
1801			215
1865			501
1875			453 + 169
1890			373 + 305
1900			499 + 369
1910			484 + 393
1920			578 + 561
1930			601 + 641
1946			720 + 641
1950			749 + 691
1960			738 + 685
1970			2 865
1980			4 529
1990			5 702
2000			6 116
2010			6 303
Kjelder: SSB: Norske folketeljingar SSB: Folkemengd per grunnkrins Tala 1865 viser til Stathelle ladested Tala 1875 viser til Stathelle ladested + forstaden Eikstrand i Bamble herad Tala 1890-1960 viser til Stathelle ladested + forstadene Eikstrand og Krabberød i Bamble herad Tala 1970-1990 viser til Stathelle tettstad Tala f.o.m. 2000 viser til Stathelles del av Porsgrunn/Skien tettstad, berekna på grunnkrinsinndelinga

Kjelder

• Denne artikkelen byggjer på «Stathelle» henta frå Wikipedia på bokmål 18. april 2007.