Skrova
From Wikipedia, the free encyclopedia
Remove ads
Skrova er namnet på ei øygruppe og eit fiskevær i Vågan kommune i Lofoten, om lag 4 km sør for Svolvær. Fiskeværet ligg hovudsakleg på Heimskrova. Normalt vert ikkje namnet Heimskrova nytta, men berre Skrova. Skrova hadde 202 innbyggjarar i 2008.
Havstykket mellom Svolvær og Skrova vert kalla Hølla. På motsett side av Skrova ligg Vestfjorden.
Øygruppa består av Storskrova, Heimskrova og i tillegg ei rekkje mindre øyar og holmar. Dei fleste av desse er knytt til kvarandre med moloar og ei bru.
Skrova er kjend for tilknytinga si til lofotfiske og kvalfangst.
Skrovafjellet ligg på Storskrova. Fjelltoppen er 281 moh., og er eit turistmål på øyane. Skrova er elles ein av haldestadene til Nordlandsekspressen mellom Bodø og Svolvær.
Remove ads
Fiskevær
Foto:
Øystein H. Brekke
Skrova har i mange tiår vore eit senter for fiske og kvalfangst, og når lofotfisket stod på for fullt i eldre tider var det fleire tusen menneske på Skrova på vinteren. I dag er ikkje Skrova lenger så sentral når det gjeld skrei og torsk, og størsteparten av fiskeproduksjon i Skrova i dag er oppdrettslaks og aure. Når det gjeld kvalkjøtt derimot, så er Skrova framleis den staden der mesteparten av kjøtet vert levert. I juni og juli er det stor aktivitet hos dei to bedriftene som produserer kjøtet i dag.
Remove ads
Sjå òg
- Skrova fyr
Bakgrunnsstoff
Wikiwand - on
Seamless Wikipedia browsing. On steroids.
Remove ads