filmsjanger From Wikipedia, the free encyclopedia
Skrekkfilm er ein filmsjanger der målet med filmen er å framkalla sterke negative kjensler, som frykt eller avsky, hjå sjåaren. Historia dreier seg ofte om vondskap forårsaka av ein person, ei makt eller ei hending, gjerne i samband med overnaturlege fenomen. Sjangeren er nesten like gammal som filmkunsta sjølv, og kan sporast tilbake til kortfilmar laga av Georges Méliès i 1890-åra.
Skrekkfilmane er kjende for svært vonde og mektige personar. Gjengangarar i sogene er skremmande vesen som vampyrar, zombiar og andre former for gjenoppståtte døde, demonar, spøkelse, varulvar, eldgamle forbanningar, besetting, satanisme, kannibalar og utanomjordiske vesen. Seriemordarfilmar blir gjerne også plassert i skrekkfilmsjangeren.
Visse historier frå engelsk litteratur er blitt laga som skrekkfilmar fleire gonger, som Frankenstein (først filmatisert i 1908), Dr. Jekyll og Mr. Hyde (først filmatisert i 1910) og Dracula (først filmatisert i 1922, som Nosferatu).[1]
Skrekkfilmen er ofte assosiert med låge budsjett og mindre kjente skodespelarar, men det er også blitt laga filmar innan sjangeren av store filmstudio og respekterte regissørar. Kjende filmar innan sjangeren er Invasion of the Body Snatchers, regissert av Don Siegel i 1956, Rosemary's Baby, regissert av Roman Polanski i 1968 og Motorsagmassakren, regissert av Tobe Hooper i 1974.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
