Siri

Siri er eit nordisk kvinnenamn, skapt som ei samantrekking av det norrøne namnet Sigrid. Tydinga er den same som Sigrid, med namnedelane «sig» frå sigr, 'siger' og «rid» frå frídr, 'ven'.

For andre tydingar av oppslagsordet, sjå Siri (fleirtyding).

Siri har norsk namnedag den 12. juni og svensk den 15. september.

Bruk

Namnet Siri har vore allment brukt i Noreg sidan seint i mellomalderen. Namnet har vore brukt ein god del på heile siste halvdelen av 1900-talet, med ein topp rundt 1985, då det blei gjeve til 0,8 % av nyfødde. Sidan har bruken gått jamnt nedover.

Bruken av namnet i Noreg

• I 1801 var om lag 6400 manntallsførte med namnet Siri i ein eller annan form (herunder òg Sirie, Sirii, Sirj, Sirri, Siry).
• I 1900 var vel 1400 manntallsførte med namnet Siri.
• Per 1.1.2009 hadde 8208 personar Siri til første fornamn.

Kjende namneberarar

• Siri Derkert (1888–1973), svensk kunstnar
• Siri Dokken (f. 1966), norsk avisteiknar
• Siri Kalvig (f. 1970), norsk meteorolog
• Siri von Essen (1850–1912), svensk skodespelar, gift med dramatikaren August Strindberg
• Siri Meyer (f. 1952), norsk professor i kunsthistorie
• Siri Hustvedt (f. 1955), amerikansk forfattar, gift med forfattaren Paul Auster
• Siri Hatlen (f. 1957), norsk forretningskvinne
• Siri Eftedal (f. 1966), norsk handballspelar
• Siri Broch Johansen (f. 1967), norsk samisk forfattar

Menn

• Siri Gunasinghe (f. 1925), srilankisk forfattar

Annan bruk av namnet

Om bord i fartøy utan toalett har Ho Siri vore namnet på dobøtta.^[1]

«Siri» kan også vera ein annan skrivemåte for tittelen sri eller sjri, som blir brukt om noko eller nokon som er heilag i fleire sørasiatiske tradisjonar. Det kan i denne samanhengen også brukast som namn eller tittel av kvinner og menn.

Kjelder

1. Gøthe Gøthesen: Norske kystens fraktemenn- Om seilfartøyer i kystfart 1980 ISBN 82-504-0415-7

Bakgrunnsstoff

• Søk etter norsk namnestatistikk for Siri hjå Statistisk Sentralbyrå
• Folketeljingar i Digitalarkivet