Shrek

Shrek er ein amerikansk dataanimert filmkomedie frå 2001, som er laust basert på eventyrboka frå 1990 av William Steig under same namn. Filmen er regissert av Andrew Adamson og Vicky Jenson, med stemmene til Mike Myers, Eddie Murphy, Cameron Diaz og John Lithgow i hovudrollene. Shrek er ein parodi på andre filmtilpassingar av folkeeventyr, hovudsakleg retta mot animerte Disney-filmar.

Shrek

Regi	Andrew Adamson, Vicky Jenson
Produsent(ar)	Jeffrey Katzenberg, Aron Warner, John H. Williams, Steven Spielberg
Manus	Ted Elliott, Terry Rossio, Joe Stillman, Roger S. H. Schulman, William Steig, Chris Miller, Cody Cameron, Conrad Vernon
Basert på	Shrek!
Stemme­skodespelar	Mike Myers, Eddie Murphy, Cameron Diaz, John Lithgow, Vincent Cassel, Jim Cummings, Chris Miller, Conrad Vernon, Cody Cameron, Christopher Knights, Aron Warner, Alain Chabat
Klipp	Sim Evan-Jones, Michael Andrews, Christopher Knights
Musikk	John Powell, Harry Gregson-Williams
Produksjonsselskap	DreamWorks, Pacific Data Images, DreamWorks Animation
Distributør	UIP-Dunafilm, DreamWorks
Utgjevingsdato	5. juli 2001 (Tyskland),[1] 22. april 2001 (USA), 18. mai 2001 (USA),[2] 2001
Lengd	90 ±2 minutt
Opphavsland	USA
Språk	engelsk
Inntening	488 351 320 US-dollar (verdsfemnande),[3] 268 163 011 US-dollar (USA)[3]
Sjanger	fantasyfilm, film basert på bøker, buddy-film, humoristisk fantasy, eventyrfilm, filmsaga

Handlinga i filmen følgjer trollet Shrek (Myers), som finn ut at sumpen hans er nedrent av eventyrfigurar, som har vorte bannlyste av den korrupte Lord Farquaad (Lithgow) som stundar etter å verta konge. Shrek gjer ein avtale med Farquaad om å få kontroll over sumpen sin att dersom han bergar prinsesse Fiona (Diaz), som Farquaad vil gifta seg med. Med hjelp frå eselet (Murphy) legg Shrek ut på ferda si, men forelskar seg snart sjølv i prinsessa som held på ein løyndom som vil forandra livet hans for all tid.

Rolleliste

Roller	Engelske stemmer	Norske stemmer
Shrek	Mike Myers	Asgeir Borgemoen
Donkey (Esel)	Eddie Murphy	Thomas Giertsen
Princess Fiona	Cameron Diaz	Iren Reppen
Lord Farquaad	John Lithgow	Finn Schau