Remove ads
Sardin er ein liten sildefisk som lever i store stimar ved europakysten nord til sørlege delar av Nordsjøen. Arten er særs viktig for fisket i Sør-Europa der det årleg vert fanga 300–400 000 tonn, hovudsakleg til hermetikk.
| Sardin | |
 Sardin | |
| Status | |
Status i verda:  Livskraftig | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Actinopteri |
| Orden: | Sildefisk Clupeiformes |
| Familie: | Sildefamilien Clupeidae |
| Slekt: | Sardina |
| Art: | Sardin S. pilchardus |
| Vitskapleg namn | |
| Sardina pilchardus Walbaum, 1792 | |
I norske farvatn finst sardinen sporadisk ved nordsjøkysten, men er ikkje vidare vanleg.
Sardinen liknar mykje på sild, men har 3–5 beinstriper nedst på gjellelokket. Skjela er dessutan større og sit lausare fest til huda. Ryggen er grønaktig i motsetnad til blå som hjå silda, og rett bak gjellelokka har dei oftast ein mørk flekk.
Sardinar er små fisk som sjeldan vert større enn 20 centimeter.
Sardinen er ein stimfisk som oftast er å finna høgt oppe i vassmassane. Dei trivst best på 25–55 meters djupn om dagen og noko grunnare om natta, men kan påtreffast heilt ned til 100 m. Som så mange andre sildefisk et ho hovudsakleg små planktonkreps, men òg fiskeegg og -larvar.
Sardinar ved kysten av Nord-Europa gyter to gonger i året, om våren og hausten. Hoene produserer 50 000–60 000 egg som dei slepp ut i dei frie vassmassane. Dei 4 millimeter lange larvane vert klekte etter om lag tre døger, og veks fort dei første par åra. Når fisken vert kjønnsmogen er han vanlegvis opp mot 20 centimeter.
Bestanden i Middelhavet kan gyta heile året.
Remove ads
- Hamre, Johannes & Gjøsæter, Harald: «Sardin» i Norges dyr - fiskene 2 (Cappelen 1992)
- Sardina pilchardus i FishBase.
- (no) sardin hos Artsdatabanken
- (en) sardin – oversikt og omtale av artane i WORMS-databasen
- (en) sardin i Encyclopedia of Life
- (en) sardin i Global Biodiversity Information Facility
- (sv) sardin hos Dyntaxa
- (en) sardin hos FishBase
- (en) sardin hos Fossilworks
- (en) sardin hos ITIS
- (en) sardin hos NCBI
- (en) Kategori:Sardina pilchardus – bilete, video eller lyd på Wikimedia Commons
- Sardina pilchardus – detaljert informasjon på Wikispecies
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads