San José i Costa Rica

San José er hovudstaden og største by i det latinamerikanske landet Costa Rica. Byen er òg hovudstad i provinsen San José. I 2005 hadde byen 341 000 innbyggere, medan hovudstadsprovinsen til saman hadde 2 115 000. San José ligg 1 170 meter over havet.

San José
Flagget til San José i Costa Rica Byvåpenet til San José i Costa Rica
Kallenamn «Chepe»
Styresmakter
Land Provins Kanton	Costa Rica San José provins San José kanton
Grunnlagd	1738
Geografi
Flatevidd	44,62 km²
Flatevidd  - By	44,62 km²
Innbyggjarar  - By (2006)    - folketettleik	342 977   7 686/km²
Koordinatar	9°56′0″N 84°6′55″W
Høgd over havet	1 161 m
Tidssone	CST (UTC-6)
Diverse anna
Heimeside: www.msj.co.cr
Plassering

Historie

Inntil 1824 var San José berre ein liten landsby. Dette året, då den første valde regjeringa i Costa Rica vart vald, bestemte Juan Mora Fernández at hovudstaden skulle flyttat ut av den tidlegare spanske kolonibyen Cartago og byrje på ein ny start for landet. Den nye hovudstaden voks fort, mykje grunna stor optimisme i Costa Rica og Latin-Amerika generelt.

Bydelar

San José er inndelt i elleve bydelar:

1. El Carmen
2. Merced
3. Hospital
4. Catedral
5. Zapote
6. San Francisco de Dos Ríos
7. La Uruca
8. Mata Redonda
9. Pavas
10. Hatillo
11. San Sebastián

Viktige institusjonar

• Universidad de Costa Rica, som er det første universitetet i Costa Rica, vart grunnlagd i San José i 1843 under namnet «Universidad de Santo Tomás», «Sankt Tomas Universitetet».
• San José er vert for hovudkvarteret til den interamerikanske domstolen for menneskeretter.
• 23 km vest for sentrum, ligg flyplassen til byen, Juan Stantamaría internasjonale flyplass, like ved Alajuela.
• Costa Rica sin nasjonalbank ligg i San José, som er mykje høgare enn nærliggande bygningar.

Viktige attraksjoner

Teatro Nacional de Costa Rica, Costa Rica sitt nasjonalteater

• La Sabana Metropolitan Park
• Avenida Central - gågata i byen og det viktigaste handel- og næringsområdet
• Plaza de la Cultura
• Melico Salazar
• Museo Del Oro - «Gullmuseumet»
• Lankester Jardines Botánicos - Botanisk hage
• del Rey - hotell og kasino
• Teatro Nacional de Costa Rica - Nasjonalteateret

Klima

Temperaturen i San José-provinsen ligg på mellom 18 °C og 26 °C. Regntida varar frå april til november.