Sørgeorgiapiplerke

Sørgeorgiapiplerke (Anthus antarcticus) er ein art i erlefamilien Motacillidae. Denne piplerka er endemisk for Sør-Georgia og næraste øyar, kor populasjonen er anslått til mellom 3000 og 4000 par. Dette er einaste medlemmen av sporvefuglar på øygruppa Sør-Georgia og Sør-Sandwichøyane og i heile Antarktis-regionen. Dette er òg ein av dei få ikkje-marine fugleartane som lever i regionen.

Sørgeorgiapiplerke
Sørgeorgiapiplerke Foto: Ben Phalan, British Antarctic survey
Status
Status i verda: Livskraftig
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Orden:	Sporvefuglar Passeriformes
Familie:	Erlefamilien Motacillidae
Slekt:	Anthus
Art:	Sørgeorgiapiplerke A. antarcticus
Vitskapleg namn
Anthus antarcticus Cabanis, 1884

Sørgeorgiapiplerke hekkar på Birdøya og andre rottefrie småøyar og holmar ved Sør-Georgia og på område på hovudøya som er isolerte av isbrear.

Sørgeorgiapiplerke beitar på insekt og edderkoppar om sommaren, elles på insekt og krepsdyr i fjæra.

Arten har vore trua av introduksjon av rotter på øyane, og dessutan av miljøskadar som mennesket sjølv er opphav til.

Kjelder

• sørgeorgiapiplerke. (26. oktober 2011) I Store norske leksikon.
• Headland, Robert K. (29. mai 1992). The Island of South Georgia. CUP Archive. s. 212. ISBN 9780521424745.

• BirdLife International (2011) factsheet: Anthus antarcticus. Henta frå http://www.birdlife.org den 26. oktober 2011.
• South Georgia pipit (Anthus antarcticus) Arkivert 2011-11-04 ved Wayback Machine. Henta frå The ARKive project Arkivert 2016-04-26 ved Archive.is den 26. oktober 2011.

Bakgrunnsstoff

Wikimedia Commons har multimedia som gjeld: Sørgeorgiapiplerke