Ron Asheton

Ronald Frank «Ron» Asheton (17. juli 1948–6. januar 2009)^[1] var ein amerikansk gitarist og låtskrivar som saman med Iggy Pop spelte i rockebandet The Stooges.

Ron Asheton
Asheton (venstre) og Iggy Pop på ein konsert i 2008
Fødd	17. juli 1948
Fødestad	Washington D.C. i USA
Død	4. januar 2009 (60 år)
Dødsstad	Ann Arbor i Michigan i USA
Fødenamn	Ronald Franklin Asheton
Opphav	USA
Aktiv	1963–2009
Sjanger	Punkrock Hardrock Garage rock
Instrument	Gitar, bass, trekkspel
Tilknytte artistar	The Stooges, The New Order, Destroy All Monsters, New Race, Dark Carnival
Plateselskap	Elektra, Columbia, Virgin
Verka som	Musikar, låtskrivar, skodespelar

Asheton er rangert på 29. plass på lista til Rolling Stone over dei 100 største gitaristane gjennom tidene.^[2]

The Stooges

Asheton var fødd i Washington D.C.^[3] Han hadde alt spelt trekkspel i fem år då han byrja å spele bassgitar 10 år gammal. Asheton var sologitaristen på dei to første albuma til The Stooges og var bassist på det tredje, Raw Power, då han vart erstatta som gitarist av James Williamson. Då the Stooges vart samla att i 2000-åra, var Asheton igjen gitaristen i bandet. Han spelte i bandet i lag med broren Scott Asheton

Anna arbeid

Bortsett frå The Stooges, spelte Asheton òg i banda The New Order (ikkje det britiske bandet New Order), Destroy All Monsters, Dark Carnival, New Race og The Empty Set.

Asheton var òg skodespelar og spelte i Mosquito i 1995, i tillegg til i Frostbiter: Wrath of the Wendigo og Legion of the Night.

Død

Asheton vart funnen død i senga si av politiet i huset sitt i Ann Arbor den 6. januar 2009. Han skal ha døydd av eit hjarteattak nokre dagar tidlegare.^[4] Sonic Youth-albumet The Eternal er tileigna han.

Diskografi

Med the Stooges

• The Stooges (1969)
• Fun House (1970)
• Raw Power (1973)
• The Weirdness (2007)

Med The New Order

• New Order (1977)
• Victim Of Circumstance (1989)
• Declaration of War (1990)

Med Destroy All Monsters

• November 22nd 1963 (1989)
• Bored (1999) - innspelt 1978

Med New Race

• The First and Last (1982)
• The First To Pay (1989)
• The Second Wave (1990)

Med Dark Carnival

• Live - Welcome to Show Business (1990)
• Greatest Show in Detroit (1991)
• Last Great Ride (1996)
• HOTBOX Greatest Hits 6 Disc set (2006)

Med The Empty Set

• Thin Slim & None/Flunkie (1996)

Med Powertrane

• Ann Arbor Revival Meeting (2003)