Rasmus Hansson

Rasmus Johan Michael Hansson (fødd 4. september 1954 i Bærum) er ein norsk biolog og politikar for Miljøpartiet Dei Grøne. Han vart vald inn på Stortinget frå Oslo 2013-2017. Med dette var han den første stortingsrepresentanten frå Miljøpartiet Dei Grøne.

Rasmus Hansson
Rasmus Hansson Foto: Monica Løvdahl
Fødd	4. september 1954 (70 år) Bærum kommune
Statsborgar av	Noreg
Parti	Miljøpartiet Dei Grøne
Yrke	politikar, biolog
Utdanna ved	Noregs teknisk-naturvitskaplege universitet
Far	Knut M. Hansson
Alle verv	stortingsrepresentant (2013–2017) stortingsrepresentant (2021–)

Hansson vart den 22. januar 2013 dagleg leiar ved CIENS – Forskningssenter for miljø og samfunn, eit forskingssenter knytt til Universitetet i Oslo.^[1] Hansson var generalsekretær i WWF Verdas Naturfond (WWF-Noreg) 2000–2012.^[2]

Han har vore førstekonsulent i Miljøverndepartementet og vore avdelingsdirektør og direktør for miljøforvalting ved Norsk Polarinstitutt. Hansson var direktør for miljøvernprogrammet i NORAD 1998–1999, og har vore tilsett i NORAD som rådgjevar innan viltforvalting. Han har fått publisert ei rekkje vitskaplege artiklar om miljøvern i Arktis.

Hansson er utdanna biolog frå NTNU og skreiv hovudfagsoppgåve om isbjørn. Han har også Master of Business Administration (MBA) og Graduate Diploma i internasjonal politikk frå La Trobe University i Melbourne i Australia.

Kjelder

• Denne artikkelen bygger på «Rasmus Hansson» frå Wikipedia på bokmål, den 1. oktober 2013.
  • Wikipedia på bokmål oppgav desse kjeldene:

1. Rasmus Hansson er daglig leder på CIENS Toppsenter Arkivert 2013-10-04 ved Wayback Machine., ciens.no
2. Innstilling Stortingslisten 2013^{[daud lenkje]} - MDG Oslo, PDF

Bakgrunnsstoff

• «Rasmus Hansson». Stortinget.no.

• Portrett hjå CIENS Arkivert 2012-10-29 ved Wayback Machine.