Ramsau am Dachstein, til dagleg Ramsau, er ein kommune i distriktet Liezen i delstaten Steiermark i Austerrike. Kommunen har vel 2 700 innbyggjarar (2011) og eit flatemål på i overkant 75 km².
Kommunen Ramsau am Dachstein, som ligg på eit fjellplatå, omfattar fleire landsbyar; Leiten, Rössing, Ramsau, Schildlehen, Vorberg og Hirzegg. Landsbyen Ramsau ligg 1 135 meter over havet.
Namnet Ramsau er første gong registrert stava som Ramsowe, i eit dokument frå ca 1120. Ramsau-platået høver godt til skisport, og har vorte eit senter for nordiske greiner i distriktet.
VM på ski i nordiske greiner i 1999 vart arrangert i Ramsau. Norske verdsmeistrar var Bjarte Engen Vik, som vart dobbeltmeister i kombinert, medan Bente Martinsen (seinare Bente Skari) vann 5-kilometer langrenn for kvinner.
Bakgrunnsstoff
Kjelder
- Denne artikkelen bygger på «Ramsau» frå Wikipedia på bokmål, den 27. mars 2012.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
