Prypjat

Prypjat (ukrainsk При́пять; russisk При́пять, Pripjat’) er ein spøkelsesby nær Tsjernobyl atomkraftverk innanfor Tsjernobylsona i Kiev oblast (provins) nord i Ukraina, nær grensa til Kviterussland.^[2]

Denne artikkelen handlar om byen i Ukraina. For elva, sjå Pripjat.

Pripjat
При́п'ять (ukrainsk) При́пять (russisk)
Forlaten by
Land	Ukraina
Oblast	Kiev oblast
Rajon	Ivankiv rajon
Koordinatar	51°24′20″N 30°03′25″E
Areal	8 km²
Folketal	0  (2012)
Grunnlagd	1970
•  Byrettar	1980
Tidssone	EET (UTC+2)
•  Sommartid	EEST (UTC+3)
Postnummer	ingen
Retningsnummer	+380 4499[1]
Prypjat 51.4065°N 30.057472222222°E / 51.4065; 30.057472222222
Kart som viser Prypjat. Kart som viser Prypjat.
Wikimedia Commons: Pripyat

Byen har ein spesiell status i Kiev oblast og er direkte underlagt oblastet, sjølv om han ligg innanfor grensa til Ivankiv rajon. Byen vert òg styrt av Beredskapsdeparementet i Ukraina som ein del av styret av den lukka Tsjernobylsonen.

Pripjat vart grunnlagd i 1970 for å huse arbeidarane i Tsjernobyl atomkraftverk. Han fekk offisielt bystatus i 1979, men vart fråflytta i 1986 etter Tsjernobylulukka. Han var den niande atombyen (russisk атомоград, atomograd) i Sovjetunionen på den tida og hadde kring 50 000 innbyggjarar før ulukka.

Janov jernbanestasjon låg mindre enn 1 km frå byen og den farbare elva Pripjat flyt i nærleiken.

Panoramabilete av Pripjat i mai 2009.

Tsjernobyl atomkraftverk med måling av radioaktivitet i 2003.

Tilkomsten til Pripjat var ikkje lukka, som så mange andre byar i Sovjetunionen, sidan atomkraftverket her vart rekna som tryggare enn andre typar kraftverk. Opphavleg var planen å byggje atomkraftverket berre 25 km frå Kiev, men Det ukrainske vitskapsakademiet var uroa over nærleiken til byen. Atomkraftverket og Pripjat^[3] vart derfor bygd der dei no ligg, kring 100 km frå Kiev. Etter katastrofen vart Pripjat evakuert i løpet av to dagar.^[4]

Parisarhjulet i Pripjat.

I 1986 vart byen Slavutytsj bygd opp for å erstatte Pripjat. Mange av bygningane i Pripjat har blitt vandaliserte og plyndra gjennom åra og bygningane har ikkje blitt vedlikehaldne sidan 1986. Det veks tre på somme tak og sjølv inne i somme bygningar.

Tryggleik

Det er relativt trygt å vitje Tsjernobylsona i dag, og fleire ukrainske selskap tilbyr guida turar til området. Strålingsnivået er kraftig redusert, samanalikna med dei dødelege nivåa i april 1986. Dei fleste stadane i byen er strålingsnivåa ikkje over ein ekvivalent dose på 1 μSv (1 mikrosievert) per time.