Pomona

Pomona var gudinne for hagebruk og fruktdyrking i romersk mytologi.^[1] Namnet er avleitt av pomum som tyder 'eple'.^[2]

Romersk statue som truleg viser Pomona ved Napoli arkeologiske museum.

Pomona måla av Nicolas Fouché ca. 1700

Pomona var maken til Vortumnus, som også hadde med frukter å gjera. I ein myte gjenfortald av Ovid vraka ho skogsgudane Silvanus og Picus, men blei gift med Vertumnus etter at han lurte henne forkledd som ei gamal kone.^[3]

I Roma hadde ho ein særskild prest, flamen Pomonalis, men ho blei særleg dyrka på landsbygda. Både Pomona og Vertumnus blei ofte avbilda med gartnarkniv og famnen full av frukter.^[2]

Pomona er spesifikt romersk, det er ingen greske gudar som tilsvarar henne. Ho har likevel ein del eigenskapar til felles med Demeter.

Statuar

• 
  Bronsestatue frå ca. 1500 av Andrea Riccio
• 
  Marmorstatue frå 1717 av Francesco Penso
• 
  Marmor- og trestatue av Pomona i Staffordshire i England.
• 
  Bronsestatue frå 1937 av Josep Clarà i Barcelona.
• 
  Bronsestatue frå 1957 av Nils Möllerberg i Stadsparken i Lund.

Kjelder

1. «Pomona» i Store norske leksikon, snl.no.
2. Nordisk familjebok, «Pomona», 1913.
3. Duckworth, George E (1976). «Pompona». I William D. Halsey. Collier's Encyclopedia 19. Macmillan Educational Corporation. s. 232.

• Delar av denne artikkelen bygger på «Pomona (mythology)» frå Wikipedia på engelsk, den 21. oktober 2019.