Pierre Quinon

Pierre Quinon (20. februar 1962–17. august 2011) var ein fransk friidrettsutøvar frå Lyon som tevla i stavsprang. Han vart olympisk meister i øvinga i 1984. Quinons personlege rekord var på 5,90 m og oppnådd i 1985, ti centimeter under den dåverande verdsrekorden.

Pierre Quinon
Statsborgarskap	Frankrike
Fødd	20. februar 1962 3rd arrondissement of Lyon
Død	17. august 2011 (49 år) Hyères
Idrett	friidrett
Tok del i	Sommar-OL 1984

Aktiv

Quinon sette ny verdsrekord i stavsprang 28. august 1983 i Köln, då han gjekk over 5,82 meter, ein centimeter høgre enn Vladimir Poljakov sin rekord. Hans tid som verdsrekordhaldar varte i berre fire dagar. Landsmannen Thierry Vigneron forbetra rekorden med eit hopp på 5,83 meter i Roma den 1. september

Quinon vart olympisk gullmedaljør i stavsprang under OL 1984 i Los Angeles. Han svinga seg over 5,75 m, ti centimeter høgre enn Mike Tully frå USA, som kom på andre plass. Earl Bell frå USA og Thierry Vigneron delte tredjeplassen med 5,60 m. Dette var einaste gongen Quinon hevda seg i dei store internasjonale meisterskapane.

Han la opp som som stavhoppar i 1993, og dreiv sidan i restaurantnæringa i Sør-Frankrike.

Quinon tok sitt eige liv i Hyères den 17. august 2011, 49 år gammal.^[1]

Medaljar og plasseringar i internasjonale meisterskap

• OL 1984 i Los Angeles: Gullmedalje - 5,75 m

Kjelder

• Denne artikkelen bygger på «Pierre Quinon» frå Wikipedia på bokmål, den 13. august 2012.

Fotnotar

1. Suicide du champion olympique 1984 de la perche, Pierre Quinon

Bakgrunnsstoff

• «Pierre Quinon» (på engelsk). olympedia.org. Henta 19. februar 2023.
• (en) Pierre Quinon – Profil på nettsida til IAAF
• (en) Pierre Quinon – Profil og resultatoversikt i olympiske konkurransar på sports-reference.com.
• Biografi - Det franske friidrettsforbundet.