Peter Bonetti

Peter Philip Bonetti (27. september 1941–12. april 2020) var ein engelsk fotballspelar frå London. Han var målvakt for Chelsea FC i tida 1960 til 1979 og spelte 600 ligakampar for klubben, bortsett frå tre sesongar i andre divisjon deltok han på høgste nivå i ligaen.

Peter Bonetti
Statsborgarskap	Storbritannia
Fødd	27. september 1941 Putney
Død	12. april 2020 (78 år)
Idrett	fotball
Tok del i	VM i fotball 1970, VM i fotball 1966

Karriere

Klubbspel

Bonetti var med om å vinne ligacupen 1965 og tape FA-cupfinalen 1967. Høgdepunkta i karrieren kom då Chelsea vann FA-cupfinalen 1970 over Leeds United med 2-1, og då han og lagkameratane den 21. mai 1971 vann med dei same siffera over Real Madrid i finalen i Cupvinnarcupen. Begge desse finalesigrane kom gjennom omkampar.

Landslagsspel

Bonetti spelte 7 landskampar for England i tida 1966-1970. Både under VM 1966 og VM 1970 var han med i den engelske troppa, men deltok berre i kvartfinalen mot Vest-Tyskland under Mexico-VM, ein kamp England tapte med 2-3.

Merittar

• Vinnar av Cupvinnarcupen: 1971 med Chelsea FC
• Vinnar av FA-cupen: 1970 med Chelsea FC
• Vinnar av den engelske ligacupen: 1965 med Chelsea FC
• Finalist i FA-cupen: 1967 med Chelsea FC
• Finlist i den engelske ligacupen: 1972 med Chelsea FC

Han var son til innvandrarar frå Sveits.

Kjelder

• Denne artikkelen bygger på «Peter Bonetti» frå Wikipedia på engelsk, den 11. mai 2021.
• eu-football