Orihuela

Orihuela (spansk) eller Oriola (valenciansk) er ein by og ein kommune i provinsen Alicante i Spania. Byen Orihuela har kring 35 000 innbyggjarar, medan kommunen har kring 85 000 innbyggjarar. Kommunen strekkjer seg langs kysten av Middelhavet, vest for Torrevieja. I kommunne ligg òg turistsenteret (urbanizacion turistica) Dehesa de Campoamor med kring 20 000 innbyggjarar, samt eit par andre landsbyar.^[1]

Orihuela
Horisonten til Orihuela
Flagget til Orihuela Byvåpenet til Orihuela
Plassering
Styresmakter
Land	Spania
Autonom region	Valencia
Provins	Alicante
Borgarmeister	Mónica Lorente
Geografi
Flatevidd  - By	365,44 km²
Innbyggjarar  - Totalt (2008)    - folketettleik	84 626   231,6 /km²
Koordinatar	38°5′N 0°56′W
Høgd over havet	24 moh
Diverse annan informasjon
Postnummer	03300
Nettstad: www.orihuela.es

Elva Segura renn gjennom byen. Byen var busett av romarane, som kalla han Orcelis og seinare Aurariola.

Historie

I domkyrkja

Orihuela er hovudstaden i regionen «Vega Baja del Segura» (naturregionen rundt Segura). Han har òg vore hovudstad i ein provins og eit kongedøme. Byen vart den første med bystatus i provinsen Alicante 11. september 1437.

I 576 var byen hovudstad i den vestgotiske provinsen Aurariola, som har gjeve namn til byen. I 713 erklærte soldaten og greven Teodomiro seg sjølv konge av Tudmir.

I 825 vart Kongedømet Tudmir eit sjølvstendig kongedøme under umayyadane og hovudstaden vart flytta til Murcia. I 910 vart kongedømet Tudmir gjeve til emiratet Cordova. I 1053 vart fyrstedømet Murcia skapt som ein del av kongedømet Denia. I 1086 vart fyrstedømet Murcia sjølvstendig frå Denia. I 1212 vart området ein del av kongedømet Murcia.

I 1304 var Orihuela ein grenseby mellom kongedøma Castilla og Aragón. I 1366 kom han under Kongedømet Valencia.

I 1437 fekk han bystatus og i 1707 gjorde Karl V av Det tysk-romerske riket han til hovudstad i provinsen Orihuela. I 1737 vart Alicante, Elche, Monforte, Jijona, Villajoyosa, Agost, Busot, San Juan eller Muchamiel sjølvstendige frå provinsen Orihuela, og danna Alicante.

I 1799 vart òg Orihuela ein del av provinsen Alicante. I 1810 gjorde Napoleon Orihuela til ein del av departementet Segura der Murcia var hovudstad. Orihuela vart ein del av provinsen Murcia i 1822, og i 1833 vart han igjen ein del av provinsen Alicante.

Kjelder

• Denne artikkelen bygger på «Orihuela» frå Wikipedia på engelsk, den 9. november 2009.
  • Wikipedia på engelsk oppgav desse kjeldene:

1. Población de España – datos y mapas

Bakgrunnsstoff

Commons har multimedium som gjeld: Orihuela

• Offisiell nettstad