Nordlandet

Nordlandet er den største øya i Kristiansund kommune på Nordmøre i Møre og Romsdal fylke. Ho har eit areal på 14,44 km². Øya er den nordlegaste av dei øyane byen ligg på, med hamna som det sentrale midtpunkt. Her ligg òg det høgaste punktet i byen, Kvernberget på 205 m.o.h.. Den gamle busetnaden på Nordlandet ligg sentralt i forhold til hamna og sunda som er innseglinga til hamna. Frå her er det båtsamband over sunda til sentrum av byen på Kirkelandet. Bydelen Nordlandet har eiga kyrkje, Nordlandet kyrkje.

Nordlandet
Bydelen Nordlandet i Kristiansund Foto: Harald Oppedal
Geografi
Stad	Nordmøre
Koordinatar	63°07′07″N 07°49′02″E
Areal	14,44 km²
Høgaste punkt	Kvernberget (205 moh.)
Administrasjon
Land	Noreg
Fylke	Møre og Romsdal
Demografi
Folketal	6117 (2024)
Folketettleik	423,6 /km²

Mykje av utbygginga i Kristiansund dei siste 30 åra har skjedd på Nordlandet.

Kristiansund lufthamn, Kvernberget ligg på Nordlandet, med tilhøyrande helikopterbase for oljeverksemda på Haltenbanken. Like ved ligg oljebasen Vestbase. Løkkemyra var opphavleg regulert til industriområde, men er no òg eit handelssentrum i Kristiansund, med mellom anna kjøpesenteret Amfi Futura, Biltema og andre store varehus.

Nordlandet vert òg humoristisk kalla «Marokko».

Folketalsutvikling

1900[1][2]	2000[3]	2024[3]
2303	5352	6117

Fram til 1964 var øya delt mellom Kristiansund og Bremsnes kommune.

Biletgalleri

• 
  Nordlandet anno 2002, en del bygging har skjedd sidan.
• 
  Nordlandet kyrkje.

  Foto: Harald Oppedal
• 
  Kvernberget, høgaste punkt på Nordlandet.

  Foto: Harald Oppedal