Nevil Shute

Nevil Shute Norway (fødd 17. januar 1899 i London, daud 12. januar 1960 i Melbourne) var ein populær engelsk-australsk romanforfattar på midten av 1900-talet. Han var i si tid særs mykje lesen og omsett, i Noreg med mellom anna En by som Alice.

Nevil Shute
Pseudonym	Nevil Shute
Statsborgarskap	Storbritannia
Fødd	17. januar 1899 Ealing
Død	12. januar 1960 (60 år) Melbourne
Yrke	flyingeniør, ingeniør, romanforfattar, skribent, manusforfattar, science fiction-forfattar, racerbilfører, flygar
Nevil Shute på Commons

Liv og virke

Bakgrunn, ingeniørkarriere

Shute vart fødd i Ealing i London. Han deltok i den fyrste verdskrigen som soldat og etter krigen utdanna han seg i tekniske fag ved Balliol College i Oxford. Han arbeidde som konstruktør hos de Havilland og seinare, frå 1924, hos Vickers Ltd., der han deltok i arbeidet med utvikling av luftskipprosjektet til britane og jobba med konstruksjonen av luftskipet «R100» under Barnes Wallis.

Han forlét Vickers og starta saman med andre flyfabrikken Airspeed Ltd. i 1931, men kjøpte seg ut på 1950-talet og emigrerte til Australia for å via seg til forfattarskapen. Her hadde han òg ein kort karriere som racer-bilist.

Forfattarskap

I fleire av hans seinare romanar, som En by som Alice og Den siste bredd, er handlinga lagt til Australia.

Ved utbrotet av andre verdskrigen var Shute allereie ein kjend forfattar. Han vart tildelt Royal Naval Volunteer Reserve som sub-lieutenant og hamna raskt i Directorate of Miscellaneous Weapons Development. Der arbeidde han mellom anna på løynlege våpen som Panjandrum. Ryet hans som skribent fekk Ministry of Information til å senda han med i invasjonen av Normandie den 6. juni 1944, og seinare til Burma som korrespondent. Ved krigsslutt var han lieutenant commander RNVR.

Hans mest kjende roman vart On The Beach, som òg vart filmatisert. I dette verket skildrar han ved hjelp av opplevingane til to par dei siste dagane til menneskja etter ein atomkrig. Til trass for den truande undergangen går desse menneskja sin eigen undergang i møte på ein forklara, nesten stoisk, måte.

Med Slide rule la Shute i 1954 fram ein sjølvbiografi.

Shute sin forfattarskap omfattar 24 romanar. Dei fleste er omsett til norsk. Blant dei titlane som ikkje er omsette er Slide rule.

Bibliografi

• Stephen Morris (1923, utgjeve posthumt i 1961)
• Marazan (1926)
• So Disdained (1928)
• Lonely Road (1932)
• Ruined City (1938)
• What Happened to the Corbetts (1939)
• An Old Captivity (1940)
• Landfall: A Channel Story (1940)
• Pied Pip (1942)
• Most Secret (1942)
• Pastoral (1944)
• Vinland the Good (1946)
• The Chequer Board (1947)
• No Highway (1948)
• A Town Like Alice (1950)
• Round the Bend (1951)
• The Far Country (1952)
• In the Wet (1953)
• Slide Rule: Autobiography of an Engineer (1950)
• Requiem for a Wren (1955)
• Beyond the Black Stump (1956)
• On the Beach (1957)
• The Rainbow and the Rose (1958)
• Trustee from the Toolroom (1960)

Omsetjingar til norsk

Norsk tittel	Utgjeve	Originaltittel	Utgjeve
Ein by som Alice	1950	A Town Like Alice	1950	Lydbok 2002
Einsam veg	1964	Lonely Road	1932
Byen som vakna	1964	Ruined City	(1963)
Toppløyndom	1961	Most Secret	1942
Mannen med seljefløytene	1945	Pied Pip	1942
Livet og leiken	1946	Pastoral	1944
Runesteinen	1962	An old captivity	1940
Kontakt	1963	Stephen Morris	1961
Den som inkje vågar	1949	No Highway	1948
Til minne om Janet	1955	Requiem for a Wren	1955
Sjakkbrettet	1948	The Chequer Board	1947
Landet til lukka	1953	The Far Country	1982
Regnbuen og rosa	1959	The Rainbow and the Rose	1950
Den siste breidd	1958	On the Beach	1958	Filmatisert 1959 DVD 2002
Formynderen	Beyond the black stump	1956
Ein troskyldig mann	1960	Tustee from the toolroom	1960

Kjelder

• Denne artikkelen bygger på «Nevil Shute» frå Wikipedia på bokmål, den 4. oktober 2018.

Bakgrunnsstoff

Litteratur

• Smith, Julian Nevil Shute (2002): A Biography The Paper Tiger, Creskill, NJ. ISBN 1-889439-30-4.
• Croft, Julian (2000): «Norway, Nevil Shute (1899–1960)» i: Australian Dictionary of Biography. Vol. 15 Melbourne University Press, s 498–499
• Giffuni, Cathy (1988): Nevil Shute, a bibliography. Adelaide: Auslib Press ISBN 0-9589895-7-5.
• Haigh, Gideon (2007): «Shute's sand sin of time» i: The Daily Telegraph
• Anderson, John (2011): Parallel Motion - a biography of Nevil Shute Norway The Paper Tiger, ISBN 978-1-889439-37-2

Nettstader

• The Nevil Shute Foundation
• The Nevil Shute Book Page – generell biografisk informasjon om Nevil Shute og omfattande liste over samletips
• Ei kort forklaring av ingeniøren og romanforfattaren Nevil Shute frå ibooknet
• Nevil Shute på Find a Grave