Mezzosopran

Mezzosopran eller mezzosopransongar er ein mellomting av alt og sopran, ei stemme som til ein viss grad kan flytte seg i begge stemmeleia. Mezzo tyder «halv».

Songrøyster
Kvinnerøyster	Mannsrøyster
Sopran (S)	Tenor (T)
Mezzosopran	Baryton
Alt (A)	Bass (B)

Dette er den normale kvinnestemma. Innanfor songkunsten vert gjerne mezzosopranar delt i to grupper:

• Lyrisk mezzosopran stemmeomfang frå a-g²

Stemma har stort omfang, god høgd og fleksibel koloratur. Ho er òg smidig og har eit velutvikla mellomleie. Denne finn vi oftast hos unge jenter eller gutar.

Innanfor operalitteraturen passer mellom andre desse rollene til ein lyrisk mezzosopran:

• • Mozart: Figaros bryllup - Cherubin
  • Mozart: La clemenza di Tito - Sextus
  • Rossini: Barberen i Sevilla - Rosina
  • Gounod: Faust – Siebel
• Dramatisk mezzosopran stemmeomfang frå a-b²

Stemma har større volum og fokus enn lyrisk mezzosopran. Sidan ho skal gå over eit stort orkester, må ho ha stor kraft, særleg i høge tonar. På scenen har songaren stor autoritet.

Innanfor operalitteraturen passer mellom andre desse rollene til dramatisk mezzosopran:

• • Bizet: Carmen - Carmen
  • Saint-Saëns: Samson et Dalila - Dalila
  • Verdi: Don Carlos - Eboli

Nokre mezzosopranar

• Selena Quintanilla-Pérez
• Cecilia Bartoli
• Åsa Dornbusch
• Malena Ernman
• Enya
• Ragnhild Groven
• Marianne Beate Kielland
• Christa Ludwig
• Anne-Sofie von Otter
• Susanne Resmark
• Birgitta Svendén
• Gunilla Söderström
• Ingrid Tobiasson