Marianne

Marianne eller Mariann (sjå òg Mari og Anne) er eit kvinnenamn med fleire moglege kjelder. Kanskje er det ei fransk form av det latinske namnet Mariana, som tyder kvinne og kvinneleg.

Gamal byste av det franske nasjonalsymbolet Marianne i det franske Senatet (ukjend kunstnar).

Lenger tilbake i tida kan det hebraiske namnet Mariamne. I bibelen bar kona til Herodes dette namnet. Det kan òg vere ein sideform av det hebraiske namnet Mirjam (arameisk: Mariam). Det kan vidare komme ifrå Mariana, ein hokjønnsform av det latinske mannsnamnet Marianus (frå slektsnamnet Marius). Marianne vart eitt motenamn i Frankrike på 1700-talet og var der ein diminutivform av Marie. Det kom seinare til å bli oppfatta som ein samansetting av Marie og Anne.

Marianne har norsk namnedag den 4. april.

Det franske nasjonalsymbolet

La Liberté guidant le peuple, Fridomen leier folket av Eugène Delacroix. Fridomen er i dette måleriet personifisert som Marianne, det franske nasjonalsymbolet, som med det franske flagget i handa leiar folket i fridomskampen.

Etter den franske revolusjonen vart Marianne eit symbol for den franske republikken. Ho vart avbilda som ei ung bondejente eller jente av folket, og symboliserte den fridomen for alle som vart uttrykt med orda Liberté, égalité, fraternité (Fridom, likskap, brorskap).

Utbreiing

Tabellen nedanfor gjev ei oversikt over populariteten til namnet Marianne i nokre land der statistikk har vore tilgjengeleg.

Land	Mellom befolkninga i landet			Mellom nyfødde
	Tal	Prosent	Rangering	Tal	Prosent	Rangering
Sverige[1]	95 457 (2006)	2,11 %	14.	- (2006)	-	(> 99.)
Danmark[2]	28 097 (2007)	1,03 %	12.	- (2005)	-	(> 50.)
Finland[3]	23 765 (2007)	0,90 %	-	- (2005)	-	(> 69.)
Noreg[4]	18 014 (2006)	0,77 %	14.	18 (2006)	0,06 %	239.
Tyskland[5]	- (1890–2007)	-	46.	- (2006)	-	(> 200.)
Belgia[6]	12 183 (2002)	0,24 %	87.	- (2000)	-	(> 100.)
Frankrike[7]	30 002 (2004)	0,1 %	173.	146 (2004)	0,04 %	292.
USA[8][9]	63 406 (1990)	0,04 %	380.	- (2005)	-	(> 500.)

Namnet Marianne er kjent i Noreg frå 1500-talet av. I nyare tid har Marianne vore mellom dei mest populære dåpsnamna på jenter i Noreg, i perioden 1955 til 1985. Det toppa seg i 1967.

Historisk utvikling av populariteten til namnet Marianne i Noreg.[10][11]

Kjende namneberarar

• Marianne Ahrne, svensk regissør og forfattar
• Marianne Dahlmo, norsk langrennar
• Marianne Faithfull, britisk songar og skodespelar
• Marianne Heske, norsk biletkunstnar
• Marianne Clementine Håheim, norsk forfattar
• Marianne Kjørstad, norsk skirennar
• Marianne Marthinsen norsk politikar
• Marianne Rokne, norsk handballspelar
• Marianne von Werefkin, russisk-sveitsisk målar
• Marianne Aasen, norsk politikar

Annan bruk

I kulturen

• Marianne Dashwood er ein hovudperson i Fornuft og følelser av Jane Austen
• Marianne på sykehus er ei norsk barnebok og film
• Vekebladet Marianne er eit fransk nyhendeblad
• Mariann Grammofon AB er eit svensk plateselskap

I stadnamn

• Mariannenplatz i Berlin
• Mariannelund (tettstad i Småland)

Kjelder

1. Statistikk for namn i Sverige (svensk)
2. Danmark Statistik (dansk)
3. [url=http://192.49.222.187/Nimipalvelu/default.asp?L=2 Arkivert 2006-10-09 ved Archive.is Befolkningsregistercentralen] (svensk)
4. [url=http://www.ssb.no/navn/ Statistisk sentralbyrå]
5. [url=http://www.beliebte-vornamen.de/beliebte.htm Arkivert 2008-02-21 ved Wayback Machine. Knud Bielefeld] (tysk)
6. FOD Economie Statistikk for namn i Belgia (nederlandsk/fransk)
7. Le Journal des Femmes L'encyclopédie des prénoms (fransk)
8. [url=http://www.ssa.gov/OACT/babynames/ Social Security Administration; Popular Baby Names] (engelsk)
9. Name Statistics(engelsk) }}
10. Statistisk Sentralbyrå:Statistikk for navn i Norge
11. Arkivverket:Folketellinger i Norge

Bakgrunnsstoff

• Søk etter norsk namnestatistikk for Marianne hjå Statistisk Sentralbyrå
• SCB:s namnstatistik