Linnean Society of London

Linneaen Society of London er eit vitskapleg selskap vigd studiar og formidling av naturhistorie, evolusjon og taksonomi. Det blei skipa i 1788, og er det eldste vitskaplege selskapet vigd biologi som framleis er verksamt.

Linnean Society of London
Burlington House.
Skipa	1788
Hovudkontor	Burlington House
Leiar	Anjali Goswami
Omsetjing	1 335 623 britisk pund (2016)
Donasjonar	20 416 britisk pund (2019)
Tilsette	22 (2019, 2018)
Nettstad	http://www.linnean.org/

Historie

Statue av Linné ved Linneaen Society.

Selskapet blei stifta 18. mars 1788 av James Edward Smith, Samuel Goodenough og Thomas Marsham^[1][2] og andre med interesse for naturhistorie, som botanikaren Joseph Banks. Det tok namn etter Carl von Linné. Det fyrste møtet blei halde 8. april same året. Smith blei vald til styrar for selskapet, ei stilling som han heldt på gjennom årlege omval heilt til han døydde i 1828. Selskapet fekk royal charter (kongeleg stadfesting) i 1802.

I 1791 byrja selskapet å gje ut Transactions of the Linneaen Society of London, som sidan har fortsett under ulike namn som Proceedings of the Linneaen Society of London og Journal of the Proceedings of the Linneaen Society. Sidan 1969 har det gjeve ut tre vitskaplege tidsskrift: Biological Journal of the Linneaen Society, Botanical Journal of the Linneaen Society og Zoological Journal of the Linneaen Society.^[3]