Lars Eskeland

Lars Eskeland (6. mars 1867–30. september 1942) var ein norsk forfattar og skulemann, fødd på Stord.^[1]

Lars Eskeland
Nasjonalitet	Norsk
Statsborgarskap	Noreg
Fødd	6. mars 1867 Stord
Død	30. september 1942 (75 år) Bergen
Periode	1892-1940
Medlem av	Norges Bondelag, Fedrelandslaget
Religion	katolisisme
Born	Sigurd Eskeland
Debut	Norsk formlæra

Eskeland skreiv ei rekke ulike skrifter, både talar, innlegg i blad og aviser, og frittståande verk. Han gav ut lærebøker og fleire biografiar, mellom anna om Ole Vig og Ivar Aasen. Han har også skrive teksten til «Vossasongen». Han var også aktiv målmann, og hadde verv som formann i Voss Mållag frå det var grunnlagd i 1898 til 1905. Han var også formann i Vestlandske Mållag (1904-11) og Norsk Måldyrkingslag (1928-42).

Eskeland var ein føregangsmann for folkehøgskulerørsla, og grunnla Voss Folkehøgskule saman med Olaus Alvestad i 1895. Han var styrar av skulen i tida 1895–1927, då han måtte gå av etter at han hadde konvertert til katolisismen i 1925. Om han hadde halde fram som styrar av skulen, ville skulen ha mista statsstøtta.

Lars Eskeland var bror til skulemannen Severin Eskeland og onkel til kåsøren og forfattaren Ivar Eskeland.

Utmerkingar

• Eskeland fekk Kongens fortenestemedalje i gull i 1925
• Melsom-prisen i 1926 for Bønder
• Utnemnd til riddar av St. Olavs Orden i 1935
• I 1949 vart det avduka ein statue av Lars Eskeland på Voss, laga av bilethoggaren Torleiv Agdestein

Kjelder

Fotnotar

1. Helleve, Aslak T. (25. februar 2020). «Lars Eskeland». Norsk biografisk leksikon (på norsk bokmål).

Bakgrunnsstoff

Wikifrasar har ei sitatsamling som gjeld: Lars Eskeland

• Biografi ved Aasentunet
• Norsk Formlæra av Lars Eskeland ved sambandet.no
• Digitaliserte bøker av Lars Eskeland på bokhylla.no (Nasjonalbiblioteket)