Kyrkjebø kommune

Kyrkjebø kommune var ein kommune i Sogn og Fjordane fylke som eksisterte frå 1858 til 1964.

Kyrkjebø kommune
tidlegare norsk kommune
Land	Noreg
Fylke	Sogn og Fjordane
Distrikt	Sogn
Hovudstad	Kyrkjebø
Grunnlagd	1. januar 1858
Nedlagd	1. januar 1964
Kyrkjebø kommune 61.163611°N 5.899722°E / 61.163611; 5.899722
Kyrkjebø kommune i Sogn og Fjordane Kyrkjebø kommune i Sogn og Fjordane

Historie

Kyrkjebø var opphavleg del av Lavik formannskapsdistrikt.

• I 1858 vart Kyrkjebø (då kalla Klævold) skild ut som eigen kommune med 1645 innbyggjarar.
• 1. januar 1875 vart ein del av Kyrkjebø kommune, med 90 innbyggjarar, overført til Lavik og Brekke kommune.
• 1. januar 1964 vart Kyrkjebø kommune, med 4742 innbyggjarar, slegen saman med Lavik kommune og ein mindre del av Vik kommune til den nye Høyanger kommune.^[1]

Folketalsutvikling

Kyrkjebø var den største kommunen i Sogn og Fjordane i folketal frå 1920-talet og fram til 1953, då Årdal kommune vart større.

Folketalsutvikling for tidlegare Kyrkjebø kommune frå 1920 til 1964:

1.12.1920[2]	1.12.1930[3]	3.12.1946[3]	1.1.1951[4]	1.1.1961[4]	1.1.1964[5]
2585	4025	4854	4691	4566	4742

Kjelder

1. Dag Juvkam: Historisk oversikt over endringer i kommune- og fylkesinndelingen på nettstaden til Statistisk sentralbyrå
2. Statistisk årbok for kongeriket Norge 40de årgang, 1920 (Det statistiske centralbyrå, 1921)
3. Statistisk årbok for Norge 69. årgang, 1950 (Statistisk sentralbyrå, 1950)
4. Folkemengd i Kyrkjebø/Høyanger 1. januar kvart år frå 1951, frå Statistisk sentralbyrå
5. Dag Juvkam, Historisk oversikt over endringer i kommune- og fylkesinndelingen, (Statistisk sentralbyrå, 1999)