Kramfors kommun

Kramfors kommune er ein svensk kommune som ligg i Västernorrlands län i landskapet Ångermanland i landsdelen Norrland. Kommunen har grensar mot nabokommunane Härnösand, Sollefteå og Örnskjöldvik. Administrasjonssenteret i kommunen ligg i Kramfors.

Högakustenbron.

Rödviken i Ullånger.

Kramfors kommun
kommune
Kommunevåpen
Land	Sverige
Len	Västernorrlands län
Landskap	Ångermanland
Del av	Ångermanland, Q61663705, Q61663701
Areal	1 785,08 km²
•  land	1 694,76 km²
•  vatn	90,32 km²
Folketal	18 817[1]  (2011)
Kramfors kommun 62.932166666667°N 17.777166666667°E / 62.932166666667; 17.777166666667
Kart som viser Kramfors kommun. Kart som viser Kramfors kommun.
Wikimedia Commons: Kramfors Municipality

Geografi

Kramfors kommune har ein sterkt innbukta kyst med mange øyar som fell bratt mot Austersjøen og Kvarken. I innlandet er det skogkledd morenelandskap. Kystområdet er ein del av verdsarvområdet Høga kusten, som er prega av sterk landheving. Ångermanälven renn gjennom kommunen og munnar ut i havet gjennom eit breitt estuar. Högakustenbron er ei hengebru over elva mellom Härnösand og Kramfors kommune, og har lengst bruspenn i Sverige. Sandöbron kryssar òg elva, og var mellom 1943 og 1964 den lengste betongbrua i sitt slag i verda.

E4 går gjennom kommunen. Kramfors er knytt til det svenske jernbanenettet gjennom Ådalsbanan. Kramfors-Sollefteå flyplass har daglege samband til Stockholm.

Tettstader

Kramfors kommune hadde tolv tettstader i 2005. Folketalet i tabellen er frå 31. desember 2005.

#	Tettstad	Innbyggjarar
1.	Kramfors	6 235
2.	Bollstabruk	2 118
3.	Nyland	945
4.	Frånö	679
5.	Ullånger	606
6.	Lunde	431
7.	Lungvik	425
8.	Docksta	414
9.	Nordingrå	335
10.	Mjällom	326
11.	Klockestrand	320
12.	Sandslån	290

Folketalsutvikling

Folketalsutviklinga i Kramfors kommune
År			Innbyggjarar
1970			29 005
1980			26 611
1990			24 555
2000			21 382
2009			19 242
Kjelde: Statistiska centralbyrån - Folketall etter region og tid.

Kjelder

• Denne artikkelen bygger på «Kramfors kommune» frå Wikipedia på bokmål, den 27. juni 2012.

1. Folketalsstatistik kvartal 3 2011. Statistiska centralbyrån (30. september 2011). Besøkt 7. januar 2012.

Bakgrunnsstoff

• Offisiell nettstad
• kramforsbygder.se