Konstantin II av Hellas

Konstantin II GCRR, RE (gresk Κωνσταντίνος Β') (2. juni 1940–10. januar 2023) var prins av Danmark, tronpretendent av Hellas og hertug av Spártis og konge av Hellas frå 1964 til monarkiet vart avskaffa av den greske militærjuntaen 1. juni 1974.

Konstantin II av Hellas
Regjeringstid	6. mars 1964–1. juni 1973
Fødd	2. juni 1940
Fødestad	Aten
Død	10. januar 2023
Dødsstad	Aten
Gravstad	Tatoi Royal Cemetery
Føregangar	Paul I av Hellas
Gift med	Anne-Marie av Hellas
Dynasti	Hellas’ kongelige famile
Far	Paul I av Hellas
Mor	Friederike av Hannover
Born	Alexia av Hellas og Danmark, Pavlos av Hellas, Nikolaos av Hellas og Danmark, Theodora av Hellas og Danmark, Philippos av Hellas og Danmark

Den greske kongefamilien

Kronprins Pavlos av Hellas Kronprinsesse Marie-Chantal av Hellas Prinsesse Maria-Olympia av Hellas og Danmark Prins Konstantin Alexios av Hellas og Danmark Prins Achileas-Andreas av Hellas og Danmark Prins Odysseas-Kimon av Hellas og Danmark Prins Aristide Stavros av Hellas og Danmark Dronning Anne-Marie av Hellas Prinsesse Prinsesse Alexia, fru Morales Prins Nikolaos av Hellas og Danmark Prinsesse Prinsesse Theodora, fru Kumar Prins Philippos av Hellas og Danmark Prinsesse Nina av Hellas og Danmark Den øvrige kongelege familien Dronning Sofía av Spania Prinsesse Irene av Hellas og Danmark Prins Michael av Hellas og Danmark Prinsgemalinne Marina Karella Prinsesse Alexandra, fru Mirzayantz Prinsesse Olga av Savoy-Aosta

v d e

Han var berre 24 år gammal då han vart konge, men hadde klåre politiske ambisjonar om å vere ein konge med makt og innverknad. Dette førte han opp i fleire konfliktar med dei folkevalde politikarane. Same år som han vart konge, gifta han seg med kusina si, den 18 år gamle prinsesse Anne-Marie av Danmark. Dei fekk etter kvart fem born. Våren 1967 gjorde ein militærjunta statskupp i Hellas, og avsette regjeringa. I desember same året gjorde kongen eit forsøk på motkupp, men dette vart mislukka. Kuppforsøket var dårleg planlagt og hjelpelaust gjennomført. Kongefamilien flykta til Roma, og har sidan levt i eksil, det meste av tida i London.

Som ung vann kronprins Konstantin gull i drakebåtsegling under sommar-OL 1960. Han var òg ein god symjar og hadde svart belte i karate.^[1]

Kong Konstantin II vart i 1964 tildelt storkors med kjede av St. Olavs Orden. Han er òg riddar av Elefantordenen og er tildelt Dannebrogordenen.

Ekteskap og barn

I 1963 vart han offisielt trulova med prinsesse Anne-Marie av Danmark. Dei gifta seg 18. september 1964 i Aten, og Anne-Marie vart dronning av Hellas. Saman hadde dei fem born:

• Prinsesse Alexia av Hellas og Danmark (fødd 10. juli 1965)
• Kronprins Pavlos av Hellas (fødd 20. mai 1967)
• Prins Nikolaos av Hellas og Danmark [fødd 1. oktober 1969)
• Prinsesse Theodora av Hellas og Danmark (fødd 9. juni 1983)
• Prins Philippos av Hellas og Danmark (fødd 26. april 1986)

Olympiske medaljar

Sommar-OL 1960

Hellas

Gull i drakebåtsegling

Titlar, tiltaleformer, dekorasjonar og våpenskjold

Titlar og tiltaleformer

• 1940–1947: Høgvørde prins Konstantin av Hellas og Danmark
• 1947–1963: Høgvørde jronprins Konstantin av Hellas, prins av Danmark, hertug av Spártis
• 1963–1973: Hans majestet kongen av hellenarane, prins av Danmark
• 1973–2023: Hans majestet kong Konstantin II av Hellas, prins av Danmark

I Hellas vert han omtala som den tidlegare kongen (ο τέως βασιλιάς) eller Glücksburg (o Γκλύξμπουργκ). Av greske royalistar vert han omtala som kongen (ο βασιλιάς). Han vert òg omtala som Kokós (Κοκός), ein kortform av namnet Konstantin, som har vorte brukt sida regjeringstida hans.

Av di han stammer frå kong Kristian IX av Danmark har han tittelen Prins av Danmark.

Kjelder

Fotnotar

1. Monarchs In Waiting, s.39-41.

• Denne artikkelen bygger på «Constantine II of Greece» frå Wikipedia på engelsk, den 18. september 2010.

Bakgrunnsstoff

Commons har multimedium som gjeld: Konstantin II av Hellas

• Biografi i The Greek Royal family
• Nekrolog i DR.
• Nekrolog i The Guardian.