Kongsseteren

59°58′25.306″N 10°39′37.699″E

Kongsseteren i 1910.

Foto: Anders Beer Wilse/Oslo Museum

Kongsseteren er ein stor tømmervilla på Voksenkollen i Oslo. Han er kongefamilien sin private eigedom og vart gjeven i gåve frå det norske folket til Kong Haakon og dronning Maud då kongeparet vart krona i 1906.

Gåva vart finansiert ved ei innsamlingsaksjon og stod ferdig i 1911. Bygningen er teikna av arkitekt Kristian Biong, som vann ein utlyst arkitektkonkurranse med sitt prosjekt «Slot over Slot».^[1]

Eigedomen vert i hovudsak nytta om vinteren, og kongefamilien feirar gjerne jul her.^[2]