Kinn sokn

61°35′56″N 5°1′40″E

Kinnakyrkja frå 1100-talet.

Foto: Nina Aldin Thune

Florø kyrkje vart innvigd i 1882.

Kinn er eit kyrkjesokn i Sunnfjord prosti i Den norske kyrkja. Soknet femner vestre delen av Flora kommune med mellom anna Florø by og øyene utom. Opphavleg var det mellomalderkyrkja Kinn kyrkje som står plassert ut mot havgapet og seglingsleia nordvest på øya Kinn som var soknekyrkje. Kinnakyrkja er ei steinkyrkje frå 1100-talet.^[1] Då Florø vart ladestad og folketalet der voks vart det etter kvart bygd kyrkje der, og Florø kyrkje har sidan 1882 vore soknekyrkje i soknet.^[2] I tillegg til dei to kyrkjene er Askrova bedehuskapell på øya Askrova og Batalden bedehuskapell på Fanøya i øygruppa Batalden vigsla til gudstenestebruk.

Kinn sokn grensar til Frøya sokn og Midtgulen sokn i nord, Nordal sokn og Bru sokn i aust og Askvoll sokn i sør.

Fotnotar

1. «Harald J. Stavang: «Kinnakyrkja» på nettstaden til Fylkesarkivet i Sogn og Fjordane».
2. «Torkjell Djupedal og Sigurd Vengen: «Florø kyrkje» på nettstaden til Fylkesarkivet i Sogn og Fjordane».

Bakgrunnsstoff

• Om Kinn sokn på nettstaden til Den norske kyrkja
• Kart frå 1979 som viser kyrkjestader og soknegrenser, på nettstaden til Universitetet i Bergen/Digitalarkivet
• «Kirkebøker, Sogn og Fjordane»
• Skanna kyrkjebøker frå Sogn og Fjordane på nettstaden til Arkivverket
• Oversyn over gravminne i Flora kommune på nettstaden disnorge.no